دہ یکی اور ہدیہ جات — خدا کے حضور وفاداری کا امتحان
ملاکی 3باب10-11
پوری دہ یکی ذخیرہ خانہ میں لاو تا کہ میرے گھر میں خوراک ہو اور اسی سے میرا امتحان کرو رب الافواج فرماتا ہے کہ میں تم پر آسمان کے دریچوں کو کھول کر برکت برستا ہوں کہ نہیں یہاں تک کہ تمہارے پاس اس کے لے جگہ نہ رہے۔
اور میں تمہاری خاطر ٹڈی کو ڈانٹوں گا اور وہ تمہاری زمین کے حاصل کو برباد نہ کرے گی اور تمہارے تاکستانوں کا پھل کچا نہ جھڑ جاے گا رب الافواج فرماتا ہے"
تعارف
خدا کا کلام صرف روحانی زندگی کی راہنمائی ہی نہیں کرتا بلکہ ہماری روزمرہ کی مالی ذمہ داریوں میں بھی ہمیں اصول فراہم کرتا ہے۔ دہ یکی اور "ہدیہ جات" ان اصولوں میں شامل ہیں جن کے ذریعے ایک ایماندار اپنی وفاداری، اطاعت، محبت، شکرگزاری، اور خدا پر مکمل انحصار کا عملی ثبوت دیتا ہے۔
یہ موضوع اس لیے بھی اہم ہے کیونکہ بہت سے لوگ اس بات سے ناواقف ہیں کہ ہماری آمدنی میں سے ایک مقررہ حصہ خدا کا حق ہے، اور جب ہم خدا کے مقررہ قانون کے مطابق عمل کرتے ہیں، تو نہ صرف ہمیں برکت ملتی ہے بلکہ ہم دوسروں کے لیے بھی برکت کا وسیلہ بنتے ہیں۔
دہ یکی اور ہدیہ جات صرف رسمی رسومات نہیں بلکہ دل کی سچائی اور ایمان کا اظہار ہیں۔ بائبل ہمیں نہ صرف دہ یکی دینے کی تاکید کرتی ہے بلکہ ہمیں دعوت دیتی ہے کہ ہم خدا کو آزما کر دیکھیں — کہ وہ کس طرح اپنے وعدوں کو پورا کرتا ہے۔
برادر برینہم کی تعلیمات اس موضوع پر روشنی ڈالتی ہیں اور واضح کرتی ہیں کہ یہ عمل آج بھی خدا کی نظر میں مقبول اور قابلِ اطاعت ہے۔ یہ مضمون ہمیں سکھاتا ہے کہ دہ یکی دینا نہ صرف بائبل کی تعلیم ہے بلکہ نجات یافتہ دل کی فطری خواہش بھی ہے، کیونکہ ایک سچا ایماندار اپنی ہر چیز میں خدا کو پہلا مقام دیتا ہے۔
دہ یکی کی ابتدا
