The Truth of Original Sin: What is the Serpent’s Seed?

اور مِیں تیرے اور عَورت کے درمیان اور تیری نسل اور عَورت کی نسل کے درمیان عداوت ڈالونگا۔ وہ تیرے سر کو کُچلیگا اور تُو اُسکی ایٹری پر کاٹیگا۔۔ پیدائش 3:15
یہ آیت نہ صرف نجات کی پہلی پیشگوئی ہے بلکہ دو متضاد نسلوں کا اعلان بھی ہے
"تیری نسل" — سانپ کی نسل، جو شیطان سے ہے۔
عورت کی نسل" — عورت کی نسل، جو یسوع مسیح تک آتی ہے۔

🔍 "نسل" ( بیج ) کا مفہوم
عبرانی زبان میں
"זרע" (Zera)
کا مطلب ہے بیج یا نسل —
جو کہ جسمانی تسلسل کو ظاہر کرتا ہے۔لہٰذا یہ آیت محض روحانی جدوجہد کی نہیں بلکہ نسلی جنگ کی بھی پیشگوئی کرتی ہے۔
بھائی برینہم نے کہا۔
"یہ نسل صرف ایک روحانی علامت نہیں۔ اگر عورت کی نسل یسوع مسیح تک جسمانی طور پر آتی ہے، تو سانپ کی نسل بھی جسمانی ہے — جو قائن سے شروع ہوئی۔"
(Questions & Answers, October 15, 1957)
"اصل گناہ پھل کھانا نہ تھا، بلکہ ایک جنسی عمل تھا جس میں سانپ نے ایک انسانی مخلوق کی طرح عمل کیا۔ حوا کو دھوکہ دیا گیا، اور قائن اُس عمل سے پیدا ہوا۔"
(The Original Sin, 1960)

✦ سانپ کا بیج اور قائن
پیدائش 4:1 بظاہر کہتی ہے۔
اور آدمؔ اپنی بیوی حوّاؔ کے پاس گیا اور وہ حاملہ ہوئی اور اسکے قاؔئن پیدا ہوا ۔ تب اُس نے کہا مجھے خُداوند سے ایک مرد مِلا۔
لیکن اگلی آیات میں واضح ہے کہ قائن اور ہابل دونوں الگ الگ فطرت رکھتے تھے — اور پیدائش 5:3 میں آدم کی نسل میں قائن کا ذکر ہی نہیں!
📖 1-یوحنا 3:12
اور قائِن کی مانِند نہ بنیں جو اُس شرِیر سے تھا اور جِس نے اپنے بھائِی کو قتل کِیا اور اُس نے کِس واسطے اُسے قتل کِیا؟ اِس واسطے کہ اُس کے کام بُرے تھے اور اُس کے بھائِی کے کام راستی کے تھے۔
یہاں یونانی زبان میں
"ek tou ponērou"
اسکا مطلب ہے "شیطان کی ذات سے پیدا ہونا" — صرف برائی میں شامل ہونا نہیں بلکہ اصل میں اس کی نسل سے ہونا۔

✦ سانپ کون تھا؟
پیدائش 3:1
سانپ کُل دشتی جانوروں سے جِنکو خُداوند خُدا نے بنایا تھا چالاک تھا اور اُس نے عَورت سے کہا کیا واقِعی خُدا نے کہا ہے کہ باغ کے کسی درخَت کا پھل تم نہ کھانا؟ ۔
سانپ اس وقت کوئی ریینگنے والا جانور نہیں تھا، بلکہ ایک انسان نما، عقل مند مخلوق تھا۔
پیدائش 3:14
اور خُداوند خُدا نے سانپ سے کہا اِسلئے کہ تُونے یہ کیا تُو سب چوپایوں اور دشتی جانوروں میں ملعوُن ٹھہرا ۔ تُو اپنے پیٹ کے بل چلیگا اور اپنی عمُر بھر خاک چاٹیگا۔۔
یہ ظاہر کرتا ہے کہ سانپ پہلے سیدھا چلتا تھا — گناہ کے بعد اُس کی شکل میں تبدیلی آئی۔
"سانپ خدا کی بنائی گئی سب سے ذہین مخلوق تھی۔ وہ بول سکتا تھا، کھڑا ہوتا تھا، اور عورت کے ساتھ گفتگو کر سکتا تھا۔ اسی لیے شیطان نے اُسے استعمال کیا۔"

کیا سانپ انسان جیسا تھا؟
بھائی برینہم نے کہا
سانپ نہ تو مکمل انسان تھا اور نہ ہی جانور، بلکہ دونوں کے بیچ کی مخلوق تھا،وہ انسان کے ساتھ معاشرتی اور ذہنی طور پر بات چیت کر سکتا تھااوروہ اتنا سمجھ دار تھا کہ شیطان اُس کے ذریعے عورت کو دھوکہ دینے کے قابل ہوا۔
"خدا نے سانپ کو انسان سے اتنا قریب پیدا کیا تاکہ وہ اُس کے لیے ایک آزمائش کا ذریعہ بنے۔ اسی لیے ہوا اُس سے دھوکہ کھا گئی — کیونکہ وہ مشابہ تھا۔" (The Original Sin, 1960)

✦ نتیجہ
"سانپ کا بیج" کا مطلب ہے
شیطان نے ایک انسانی مخلوق (سانپ) کے ذریعے عورت کے ساتھ جسمانی گناہ کیا، جس سے قائن پیدا ہوا — اور یہی نسل پوری تاریخ میں خدا کے بیج کے خلاف سرگرم رہی۔

"اگر آپ قائن کی اصل کو سمجھ جائیں تو آپ سمجھ جائیں گے کہ کیوں دنیا میں دو طرح کے لوگ ہیں ۔ ایک جو خدا کے لیے جیتے ہیں، اور دوسرے جو اُس کے خلاف ہیں۔
(William Branham, The Seed Is Not Heir with the Shuck, 1965)