Former Rain for Teaching, Latter Rain for Harvest — God’s Plan for the Bride

پچھلی برسات کی بارش کے لے خُداوند سے دُعا کرو۔ خُداوند سے جو بجلی چمکاتا ہے۔ وہ بارش بیھجے گا اور میدان میں سب کے لے گھاس اُگاے گا۔
(زکریاہ 10:1)

روحانی معنی🔹
یہاں مادی بارش کی نہیں بلکہ روحانی بارش کی بات کی جا رہی ہے۔ خدا نے وعدہ کیا ہے کہ آخری زمانے میں وہ اپنی روح ایک خاص طریقے سے انڈیلے گا تاکہ
کلام کا بیج جو ایمانداروں کے دلوں میں بویا جا چکا ہے، وہ پھل لائے۔
کلیسیا کو رپچر کے لئے تیار کیا جائے۔

اسی لئے یسعیاہ نبی نے بھی کہا:🔹
کیونکہ جس طرح آسمان سے بارش ہوتی اور برف پڑتی ہے اور پھر وہ وہاں واپس نہیں جاتی بلکہ زمین کو سیراب کرتی ہے۔اور اُس کی شادابی اور روئیدگی کا باعث ہوتی ہے تاکہ بونے والے بیج اور کھانے والے کو روٹی دے
اسی طرح میرا کلام جو میرے منہ سے نکلتا ہے ہو گا۔وہ انجام میرے پاس واپس نہ آئے گابلکہ جو کچھ میری خواہش ہو گی وہ اسےپورا کرے گا اور اس کام میں جس کس کے لئے میں نے اسے بیجھا موثر ہو گا۔
(یسعیاہ 55باب10-11)

پچھلی بارش کے تین اہم مقاصد🔹
کلام کے بیج کو زندگی دینا
پہلا مینہ (تعلیم کا مینہ) کے ذریعے کلام دل میں بویا گیا۔
اب پچھلا مینہ اس بیج کو بڑھا کر پھل میں ظاہر کرتا ہے۔
کلیسیا کو طاقت دینا
زکریاہ کہتا ہے "وہ بجلی چمکاتا ہے" → یعنی خدا اپنی قدرت اور نشانیاں ظاہر کرے گا۔
یہ وہی طاقت ہے جو رسولوں نے پینتیکُست کے دن پائی تھی، لیکن اب یہ آخری فصل کے لئے دوبارہ ظاہر ہوگی۔
سب کے لئے گھاس اگانا
گھاس کھیت کی زندگی کی علامت ہے۔
روحانی طور پر اس کا مطلب ہے کہ خدا کی بارش صرف ایک شخص یا ایک قوم تک محدود نہیں بلکہ ہر دل میں جو بیج بویا گیا ہے، وہاں زندگی لائے گی۔

بھائی برینہم کی تعلیم🔹
بھائی برینہم نے "Latter Rain" کے بارے میں فرمایا
"یہ پچھلی بارش کلیسیا کو کمال تک پہنچائے گی۔ یہ صرف ایک تحریک نہیں بلکہ خدا کی اپنی قدرت ہوگی جو دلہن کو رپچر کے ایمان تک لے جائے گی۔
انہوں نے وضاحت کی کہ جعلی تحریکیں
"Latter Rain Movement"
کے نام سے اٹھیں، لیکن اصل پچھلا مینہ ابھی آنا باقی ہے اور جب وہ گرے گا تو دنیا پر خدا کی قدرت ظاہر ہوگی۔

دعا کی ضرورت🔹
زکریاہ کی ہدایت بالکل واضح ہے:
ہمیں بارش کے لئے دعا کرنی ہے۔
خداوند ہی وہ ہے جو بجلیاں چمکاتا ہے اور بارش برساتا ہے۔
جب ایمانداردعا کرتے ہیں تو آسمان کھلتے ہیں، جیسا کہ ایلیاہ نبی کے وقت میں ہوا تھا (یعقوب 5باب17-18)۔
ایلِیاہ ہمارا ہم طبِیعت اِنسان تھا۔ اُس نے بڑے جوش سے دُعا کی مینہ نہ برسے۔ چُنانچہ ساڑھے تِین برس تک زمِین پر مینہ نہ برسا۔ پھِر اُس نے دُعا کی تو آسمان سے پانی برسا اور زمِین میں پَیداوار ہُوئی۔
اسی طرح آج کلیسیا کو آخری بارش کے لئے دعا کرنا ہے تاکہ خدا اپنی قدرت ظاہر کرے اور دلہن کلیسیا رپچر کے لئے تیار ہو۔

خلاصہ🔹
"پچھلی برسات" روح القدس کی وہ آخری بارش ہے جو کلام کے بیج کو پھل تک لے جاتی ہے۔
یہ بارش خدا کے اپنے مقررہ وقت پر آئے گی، لیکن ایمانداروں کی دعا اس کے استقبال اور تیاری میں اہم کردار ادا کرتی ہے۔
جب یہ بارش گرے گی تو زمین پر ایک ایسی فصل تیار ہوگی جو رپچر کے لئے تیار دلہن ہوگی۔