Are You Wise Or Foolish? A Spiritual Mirror.

آئیے اب ہم متی 25:7-10 کی طرف بڑھتے ہیں، جو تمثیل کا نہایت ہی اہم اور دل دہلا دینے والا حصہ ہے — جہاں آخری لمحے کی تیاری، تیل کی طلب، اور دروازے کا بند ہونا سامنے آتا ہے۔ آئیے بھائی برینہم کی تعلیمات اور بائبل حوالہ جات کی روشنی میں اس کی تفصیل سے وضاحت کرتے ہیں
متی 25باب7-10
اُس وقت وہ سب کُنوارِیاں اُٹھ کر اپنی اپنی مشعل دُرُست کرنے لگِیں۔ اور بیوُقُوفوں نے عقلمندوں سے کہا کہ اپنے تیل میں سے کُچھ ہم کو بھی دے دو کِیُونکہ ہماری مشعلیں بھُجی جاتی ہیں۔
عقلمندوں نے جواب دِیا کہ شاید ہمارے تُمہارے دونوں کے لِئے کافی نہ ہو۔ بہُتر یہ ہے کہ بیچنے والوں کے پاس جا کر اپنے واسطے مول لے لو۔
جب وہ مول لینے جارہیں تھِیں تو دُلہا آ پہُنچا۔ اور جو تیّارتھِیں وہ اُس کے ساتھ شادِی کے جشن میں اَندر چلی گئِیں اور دروازہ بند ہوگیا۔

اپنی اپنی مشعل درست کرنے لگیں" ۔ تیاری کا آخری موقع

کیا مطلب؟
سب کنواریاں جاگ گئیں، اور اپنی مشعلیں درست کرنے لگیں مشعل درست کرنا = ظاہری دین کو بحال کرنے کی کوشش یعنی عبادت، دعا، چرچ واپسی… لیکن اب اندر تیل نہیں
2 تیمتھیس 3:5
وہ دِینداری کی وضع تو رکھّیں گے مگر اُس کے اثر کو قُبُول نہ کریں گے۔ اَیسوں سے بھی کِنارہ کرنا۔
بھائی برینہم فرماتے ہیں
بہت سے لوگ اُس وقت کوشش کریں گے، لیکن وہ تیاری کا وقت گنوا چکے ہوں گے۔ مشعل تو ہوگی، لیکن وہ نہیں جلے گی، کیونکہ تیل نہیں۔

ہماری مشعلیں بجھی جاتی ہیں" –۔بےوقوف کنواریوں کا انکشاف اب انہیں احساس ہوتا ہے کہ مشعل (ظاہری ایمان) بغیر تیل (روح القدس) کے جل نہیں سکتی لیکن دیر ہو چکی ہے

امثال 1باب 28-29
تب وہ مجھے پکار ینگے لیکن میں جواب نہ دونگی اور دل وجٓان سے مجھے ڈھونڈینگے پر نہ پاینگے ۔ 29 اسلئےکہ اُنہوں نے علم سے عداوت رکھی اور خداوند کے خوف کو اخیتار نہ کیا۔
عقل مندوں کا انکار – "ہمارے اور تمہارے دونوں کے لیے کافی نہ ہو۔ روح القدس ایک ذاتی تجربہ ہے، کسی دوسرے سے نہیں لیا جا سکتا
بھائی برینہم نے فرمایا
تم اپنے ماں باپ کے ایمان پر داخل نہیں ہو سکتے۔ ہر کسی کو اپنی کُپی میں تیل لینا ہوگا۔
فلپیوں 2:12
پَس اَے میرے عزِیزو! جِس طرح تُم ہمیشہ سے فرمانبرداری کرتے آئے ہو اُسی طرح اَب بھی نہ صِرف میری حاضری میں بلکہ اِس سے بہُت زِیادہ میری غَیرحاضری میں ڈرتے اور کانپتے ہُوئے اپنی نِجات کا کام کِئے جاؤ۔

بیچنے والوں کے پاس جا کر مول لو" ۔ دیر سے جاگنے والی کلیسیا، یہ بچنے والے کون ہیں؟
دنیاوی واعظ، مذہبی نظام، رسمی کلیسیائیں — جو ظاہری تعلیمات تو دیتی ہیں، مگر اب تیل فراہم نہیں کر سکتیں

دیر ہو چکی، رحمت کا دروازہ بند ہونے والا ہے

بھائی برینہم کااقتباس
دس کنواریاں اور ایک سو چوالیس ہزار یہودی (1960)
انہوں نے کہا، 'ان کے پاس جاؤ جو بیچتے ہیں۔' وہ کون ہے چرچ کے نظام، فرقے... لیکن آپ دیکھ سکتے ہیں کہ وہ دوبارہ زندہ نہیں ہو سکتے۔

عاموس 8باب 11-12
خُداوند خُدا فرماتا ہے دیکھو وہ دن آتے ہیں کہ میں اس مُلک میں قحط ڈالوں گا۔ نہ پانی کی پیاس اور نہ روٹی کا قحط بلکہ خُداوند کا کلام سُننے کا۔
تب لوگ سُمند سے سمندر تک اور شمال سے مشرق تک بھٹکتے پھریں گے اور خُداوند کے کلام کی تلاش میں ادھر اُدھر دوڑیں گے لیکن کہیں نہ پائیں گے ۔
اور اُس روز حسین کُنواریاں اور جوان پیاس سے بے تاب ہو جائیں گے۔

روحانی پیغام
روح القدس "بیچنے" کی چیز نہیں کلیسیائی رسم و رواج، روایات، اور مذہبی تعلیمات تیل نہیں دے سکتیں۔تیل (روح القدس) ایک براہِ راست خدا کا تجربہ ہے — جو عاجزی، توبہ، اور پاکیزگی سے حاصل ہوتا ہے، نہ کہ کسی نظام سے۔

دُلہا آ پہنچا… اور دروازہ بند ہو گیا۔
یہ تمثیل کا انتہائی فیصلہ کن لمحہ ہےجو تیار تھیں، وہ اندر چلی گئیں جو باہر رہ گئیں، اُن کے لیے دروازہ بند ہو گیا

مکاشفہ 3:7
اور فِلدِلفیہ کی کلِیسیا کے فرِشتہ کو یہ لِکھ کہ جو قُدُّوس اور برحق ہے اور داؤد کی کُنجی رکھتا ہے جِس کے کھولے ہُوئے کو کوئی بند نہِیں کرتا اور بند کِئے ہُوئے کو کوئی کھولتا نہِیں وہ یہ فرماتا ہے کہ۔ لوقا 13:25
جب گھر کا مالِک اُٹھ کر دروازہ بند کر چُکا ہو اور تُم باہِر کھڑے دروازہ کھٹکھٹا کر یہ کہنا شُرُوع کرو کہ اَے خُداوند! ہمارے لِئے کھول دے اور وہ جواب دے کہ مَیں تُم کو نہِیں جانتا کہ کہاں کے ہو۔

یہ افسوسناک سچ ہے کہ بےوقوف کنواریاں دیر سے جگیں اور مشعلیں درست کیں پھرتیل مانگا لیکن تب تک وقت ختم ہو چکا تھا

سبق ابھی توبہ کرو، جبکہ دروازہ کھلا ہےاورابھی تیل حاصل کرو، جبکہ رحم کا وقت ہے کیونکہ اگر
جب دُلہا آ جائے گا… دروازہ بند ہو جائے گا