Revelation Chapter 13 Beast From Sea And The Earth – Resources Word https://resources.thewordrevealed.net Wed, 10 Dec 2025 10:06:50 +0000 en-US hourly 1 https://wordpress.org/?v=6.8.5 Beasts from the Sea and the Earth: The Rise of the End-Time Powers Part 4 https://resources.thewordrevealed.net/beasts-from-the-sea-and-the-earth-the-rise-of-the-end-time-powers-part-4/ https://resources.thewordrevealed.net/beasts-from-the-sea-and-the-earth-the-rise-of-the-end-time-powers-part-4/#respond Sat, 26 Apr 2025 20:41:35 +0000 https://resources.thewordrevealed.net/?p=2431 Read more]]>

حصہ چہارم

The Mark of the Beast and the Number 666: The Global Deception of the End Times

نشانِ حیوان اور عدد 666: آخری زمانے کا عالمی فریب

تعارف
جب دنیا جھوٹے معجزات کی روشنی میں نہا رہی ہو گی،جب مخالف مسیح کا بُت روحانی سانس لے کر حکم دینے لگے گا،تب آزمائش کی ایک اور شدید تر شکل زمین پر ظاہر ہوگی معاشی غلامی کا وہ خوفناک منصوبہ جس کی جڑیں ازل سے شیطانی سازش میں پیوستہ ہیں۔
اب صرف عبادت نہیں،اب صرف عقیدہ نہیں،بلکہ روٹی، پانی، اور روزمرہ کی زندگی بھی مخالف مسیح نشان کے تابع کر دی جائے گی۔چھوٹے بڑے، امیر غریب، آزاد اور غلام — سب کو مجبور کیا جائے گا کہ اپنے دہنے ہاتھ یا ماتھے پر ایک نشان ثبت کرائیں۔اور جو اس نشان کو قبول نہ کرے گا،اس کے لیے زمین کے بازار، روزگار، اور بقا کے تمام دروازے بند کر دیے جائیں گے۔
لیکن نشانِ حیوان کوئی عام نشان نہیں ہوگا —یہ انسان کی آخری بغاوت کا مظہر ہوگا، جس کا عدد "چھ سو چھیاسٹھ" (666) ہوگا —انسانی عقل، سیاست، مذہب اور معیشت کی شیطانی تکمیل۔
اب ہم اس حصے میں دیکھیں گے:نشانِ حیوان کا حقیقی مفہوم،معاشی غلامی کے ہتھکنڈے، اور عدد 666 کی حکمت اور شناخت،تاکہ ہم برّہ کی دلہن کی مانند جاگتے رہیں اور کلام کی روشنی میں ہر فریب کو پہچان سکیں۔
یہ جنگ محض بازار کی یا عبادت گاہ کی نہیں —یہ روح کی بقا اور سچائی کی فتح کی آخری جنگ ہے۔

مخالف مسیح کے نشان کا نفاذ: دہنے ہاتھ اور ماتھے پر چھاپ

(مکاشفہ 13:16 کی تفصیل: روحانی اطاعت اور عملی قبولیت کی علامت)

اور اُس نے سب چھوٹے بڑوں، دَولتمندوں اور غریبوں، آزادوں اور غلاموں کے دہنے ہاتھ یا اُن کے ماتھے پر ایک ایک چھاپ کرا دی۔ (مکاشفہ 13:16)

نشانِ حیوان کی اصل حقیقت
یہ کوئی مادی ٹیٹو یا جسم پر لگائی جانے والی سادہ مہر نہیں ہے۔یہ نشان بنیادی طور پر ایک روحانی علامت ہے —➔ انسان کے دل یا دماغ کی تسلیم شعاری کا اظہار۔
بھائی برینہم نے فرمایا
"نشانِ حیوان اس بات کا اعلان ہے کہ انسان نے خدا کے سچے کلام کو رد کر کے ایک جھوٹے مذہبی نظام، جھوٹے کلیسیائی اتحاد، اور انسانی روایات کو قبول کر لیا ہے۔
بھائی برینہم نے کہا
➔ یہ ایک روحانی اطاعت اور مخالف مسیح سسٹم کے سامنے وفاداری کا اقرار ہوگا۔
"نشانِ حیوان دل یا دماغ پر روحانی تسلیم شعاری ہے — یہ سچائی کے انکار اور جھوٹے مذہبی نظام کو قبول کرنے کی نشانی ہے۔

کس کس پر نشان لگایا جائے گا؟
آیت بتاتی ہے کہ نشان لگوانے کا مطالبہ چھوٹے بڑے،امیر غریب،آزاد غلام —➔ ہر انسان سے کیا جائے گا۔➔ یعنی یہ عالمی سطح پر لاگو ہوگا —کسی بھی طبقے، رنگ، نسل یا حیثیت کی پرواہ نہیں کی جائے گی۔
بھائی برینہم فرماتے ہیں
"یہ ایک عالمی مخالف مسیح غلامی ہوگی — کوئی بچ نہ سکے گا، سوائے برّہ کے برگزیدہ لوگوں کے۔"

دہنے ہاتھ یا ماتھے پر چھاپ کا مطلب
دہنا ہاتھ۔۔ عمل — مخالف مسیح نظام کی خدمت اور اطاعت
ماتھا۔۔ سوچ — مخالف مسیح تعلیمات کو دل و دماغ سے قبول کرنا
➔ یعنی جو اپنے عمل سے یا اپنی سوچ سے مخالف مسیح کے نظام کو مان لے گا، وہ نشان یافتہ ہوگا۔
بھائی برینہم کی مزید وضاحت
"تمہارا دہنا ہاتھ تمہارے عمل کی نمائندگی کرتا ہے، اور تمہارا ماتھا تمہاری سوچ کی —نشان حاصل کرنا یہ ہے کہ تم یا تو اپنے اعمال یا اپنے عقائد میں مخالف مسیح نظام کی تائید کرو۔
بھائی برینہم کا انتباہ
"چاہے تم مخالف مسیح نظام کی ظاہری اطاعت کرو یا دل میں اس کو سچا مانو، دونوں صورتوں میں تم نشانِ حیوان کے حامل ہو گے۔

اصل نشان کیا ہوگا؟
بھائی برینہم نے واضع کیا نشان کوئی چپ یا مادی نشان نہیں، بلکہ:کلیسیائی نظام کو خدا کے کلام کے مقابلے میں قبول کرنا،انسانی تعلیمات کو کلامِ مقدس پر ترجیح دینا،اور عالمی مذہبی اتحاد ورلڈ کونسل چرچزکی اطاعت کرنا۔
بھائی برینہم فرماتے ہیں
"جو کوئی ورلڈ کونسل آف چرچز کے مخالف مسیح نظام کو قبول کرے گا، وہ نشانِ حیوان کو قبول کرے گا۔

خلاصہ
نشان ۔۔روحانی تسلیم شعاری (اطاعت)
دہنا ہاتھ۔۔ مخالف مسیح عمل میں شمولیت
ماتھا۔۔ مخالف مسیح نظریے کی قبولیت
حفاظت۔۔ صرف برّہ کے برگزیدہ بچے رہیں گے۔

خدا کی مہر بمقابلہ حیوان کا نشان – ایک روحانی تمیز

خدا کی مہر
نوعیت۔۔۔ روحانی مہر
لگانے والا۔۔۔ خود خدا کا روح القدس
مقام۔۔۔ دل اور روح پر لگائی جاتی ہے۔
مطلب۔۔۔ خدا کی ملکیت، حفاظت اور وفاداری کی علامت۔
کس پر لگتی ہے۔۔۔ دلہن کلیسیا (برگزیدہ ایماندار)۔
مقصد۔۔۔ خدا کی کامل مرضی میں قائم رہنے اور سچائی پر مہربند ہونا۔
بھائِی برینہم فرماتے ہیں
"خدا کی مہر روح القدس ہے — ایک اندرونی تبدیلی، جو انسان کو خدا کی ملکیت میں لے آتی ہے اور اسے سچائی کے ساتھ مہر بند کر دیتی ہے۔
➔ خدا کی مہر اُن پر ہے جو برّہ کے خون پر ایمان رکھتے ہیں،➔ اور جو کلام کی سچائی کے ساتھ چلتے ہیں۔
افسیوں 1:13 "اور جب تم نے کلامِ حق کو سُنا یعنی اپنی نجات کی خوشخبری کو اور اس پر ایمان لائے تو اُس میں مہر کئے گئے اُس وعدہ کے روح القدس سے۔
افسیوں 4:30 "اور خدا کے روح القدس کو غمگین نہ کرو جس سے تم فدیہ کے دن کے لئے مہر کئے گئے ہو۔
مکاشفہ 7:2-3 "اور میں نے ایک اور فرشتہ کو مشرق سے طلوع کرتے دیکھا جس کے پاس زندہ خدا کی مہر تھی... اور وہ چلّا کر کہنے لگا... ہم خدا کے بندوں کے ماتھوں پر مہر نہ کریں جب تک ہم انہیں مہر بند نہ کر لیں۔
دوسراتیمتھیس 2:19 "تاہم خدا کی مضبوط بنیاد قائم ہے اور اس پر یہ مہر ہے کہ خداوند اپنے لوگوں کو جانتا ہے۔

حیوان کا نشان (Mark of the Beast)
نوعیت۔۔۔ روحانی تسلیم شعاری (اطاعت)
لگانے والا۔۔۔ مخالف مسیح کا شیطانی نظام
مقام۔۔۔ دہنے ہاتھ یا ماتھے پر
مطلب۔۔۔ جھوٹے مذہبی نظام یا مخالف مسیح حکومت کی وفاداری
کس پر لگتا ہے ۔۔۔وہ لوگ جو کلام کی سچائی کو رد کر کےمخالف مسیح تعلیمات کو قبول کرتے ہیں
مقصد ۔۔۔انسان کو خدا سے کاٹ کر شیطانی نظام کا حصہ بنانا
بھائی برینہم فرماتے ہیں
"نشانِ حیوان انسانی عقیدے اور عمل کے ذریعہ مخالف مسیح سسٹم کی اطاعت کا اعلان ہے — یہ ایک اندرونی فیصلہ ہے جو انسان کو فریب کی راہ پر لے جاتا ہے۔
➔ یہ نشان اُن پر ہوگا جو سچائی کو رد کر کے انسانی تعلیمات اور کلیسیائی اتحاد کو قبول کرتے ہیں۔
مکاشفہ 13:16-17 "اور اُس نے سب چھوٹے بڑوں، دولتمندوں اور غریبوں، آزادوں اور غلاموں کے دہنے ہاتھ یا اُن کے ماتھے پر ایک ایک چھاپ کرا دی تاکہ اُس کے سوا جس پر نشان ہو، وہ خرید و فروخت نہ کر سکے۔
مکاشفہ 14:9-10 "اگر کوئی حیوان اور اُس کی مورت کو سجدہ کرے اور اپنی پیشانی یا ہاتھ پر اُس کا نشان لے تو وہ بھی خدا کے غضب کی خالص مے پیئے گا۔
مکاشفہ 16:2 "اور پہلے نے جا کر اپنا پیالہ زمین پر اُن لوگوں پر اُنڈیل دیا جن پر حیوان کا نشان تھا اور جو اس کی مورت کو سجدہ کرتے تھے۔
مکاشفہ 19:20 "اور حیوان پکڑا گیا اور وہ جھوٹا نبی بھی جو اُس کے سامنے نشان دکھاتا تھا... ان دونوں کو زندہ آگ کی جھیل میں ڈالا گیا۔

نمایاں فرق
خدا کی مہرروحانی حالت برّہ کی وفاداری
حیوان کا نشان مخالف مسیح سسٹم کی غلامی
خدا کی مہر نشان لگانے والاخدا
حیوان کا نشان شیطان (مخالف مسیح نظام)
خدا کی مہر مقام دل اور روح
حیوان کا نشان دہنا ہاتھ یا ماتھا
خدا کی مہر راستہ سچائی اور کلام
حیوان کا نشان جھوٹ اور مذہبی فریب
خدا کی مہرانجام زندگی اور نجات
حیوان کا نشان اور عدالت

خرید و فروخت پر پابندی: معاشی غلامی کا آغاز

(مکاشفہ 13:17 کی وضاحت: اقتصادی کنٹرول اور روزمرہ زندگی پر مخالف مسیح کی گرفت)

"تاکہ اُس کے سِوا جِس پر نِشان یعنی اُس حَیوان کا نام یا اُس کے نام کا عدد ہو اور کوئی خرید و فروخت نہ کرسکے۔ (مکاشفہ 13:17)

مخالف مسیح کےنشان کے بغیر زندگی ناممکن
➔ یہ مخالف مسیح کانشان صرف مذہبی علامت نہیں ہوگا،➔ بلکہ ایک عمومی زندگی کے لیے ضروری معاشی شرط بن جائے گا۔
بھائی برینہم فرماتے ہیں
مخالف مسیح نظام اتنی سختی سے دنیا پر چھا جائے گا کہ کوئی شخص کھانے پینے کی چیزیں خرید نہ سکے گا،کوئی تجارت یا کاروبار نہ کر سکے گا،جب تک وہمخالف مسیح اتحاد کا حصہ نہ بن جائے۔

معاشی جبر کیسے نافذ ہوگا؟
بینکاری نظام۔۔۔ نشان کے بغیر کوئی اکاؤنٹ یا لین دین ممکن نہیں ہوگا۔
ڈیجیٹل کنٹرول۔۔۔ معاشی سرگرمیوں کو الیکٹرانک طور پر قابو میں لایا جائے گا۔
قانونی پابندیاں۔۔۔ قانونی طور پر صرف نشان یافتہ افراد ہی خرید و فروخت کر سکیں گے۔
➔ یعنی بغیر نشان کے نہ کھانا ملے گا، نہ علاج، نہ تعلیم، نہ نوکری، نہ سفر۔
بھائی برینہم کا انتباہ:
"یہ آخری زمانے کا دباؤ ہوگا — تمہیں اپنے ایمان یا اپنی روٹی کے درمیان انتخاب کرنا ہوگا۔

نشان کے تین پہلو

۱،نشان — مخالف مسیح نظام کی اطاعت کی علامت
بنیادی نکتہ
یہ نشان اُن لوگوں کی علامت ہے جو حیوانی (مخالف مسیح) حکومت اور اس کے مذہبی، سیاسی، اور معاشی نظام کی اطاعت کرتے ہیں۔
"اور وہ سب چھوٹوں اور بڑوں، دولتمندوں اور محتاجوں، آزادوں اور غلاموں کے دائیں ہاتھ یا اُن کی پیشانی پر ایک نشان لگواتا ہے۔" (مکاشفہ 13:16)
نشان صرف جسمانی علامت نہیں بلکہ اطاعت کا اظہار ہے۔یہ دنیاوی حکومت اور جھوٹے مذہبی نظام کی مکمل تسلیم شعاری کی علامت ہے۔جو خدا کے کلام سے انحراف کرے گا، وہ اس نشان کا حامل ہوگا۔

نام — حیوان کا مذہبی اختیار
بنیادی نکتہ
"نام" حیوان کے اُس مذہبی اختیار کو ظاہر کرتا ہے جو دنیاوی طاقت کے ساتھ مل کر روحانی فریب پیدا کرے گا۔
"اور میں نے اُس حیوان کو دیکھا جس پر توہین آمیز نام لکھے ہوئے تھے۔" (مکاشفہ 17:3)
"نام" سے مراد ایک مذہبی نظام ہے جو اپنی روحانی برتری کا دعویٰ کرے گا مگر درحقیقت خدا کے سچے کلام سے ہٹ چکا ہوگا۔بائبل کے مطابق یہ نظام کیتھولک چرچ اور اُس کے زیرِ اثر تمام اقوام کو ظاہر کرتا ہے۔یہ جھوٹی عبادت اور جبر کا ذریعہ بنے گا۔

3. عدد — مخالف مسیح روح کا عدد (666)
بنیادی نکتہ
"عدد" 666 ایک مکمل شیطانی روحانی حکمرانی کا نشان ہے، جو انسانی بغاوت اور خدا کے انکار کی نمائندگی کرتا ہے۔
حِکمت کا یہ مَوقع ہے۔ جو سَمَجھ رکھتا ہے وہ اِس حَیوان کا عدد گِن لے کِیُونکہ وہ آدمِی کا عدد ہے اور اُس کا عدد چھ سَو چھیاسٹھ (666) ہے۔ (مکاشفہ 13:18)
عدد 6 انسان کا عدد ہے — نامکمل اور خدا سے الگ۔666 انسان کی مکمل شیطانی حالت کو ظاہر کرتا ہے:روحانی بغاوت،جھوٹا مذہب،خدا سے علیحدہ انسانی حکومت اوریہ عدد مخالفِ مسیح کے نظام کی آخری علامت بنے گا۔
بھائی برینہم کا پیغام:
"666 ایک ایسا نظام ہے جو مکمل طور پر انسانی خواہشات اور شیطانی قوتوں پر مبنی ہوگا، اور جو خدا کی حاکمیت کو مکمل رد کرے گا۔

نتیجہ: نشان، نام اور عدد کی جامع تفہیم
ان تینوں پہلوؤں — نشان، نام، اور عدد — کو سمجھنا آخری زمانے کے ایمان داروں کے لیے نہایت اہم ہے تاکہ وہ مخالف مسیح کے فریب سے محفوظ رہ سکیں اور خدا کی سچی مہر کو حاصل کر سکیں۔
ہمیں خدا کے کلام پر مکمل ایمان اور اطاعت میں قائم رہنا ہے تاکہ ہم اُس حیوانی نشان سے بچے رہیں۔
اور وہ برّہ کے خُون اور اپنی گواہی کے کلام کے باعِث اُس پر غالِب آئے اور اُنہوں نے اپنی جان کو عزِیز نہ سَمَجھا۔ یہاں تک کہ مَوت بھی گوارا کی۔ (مکاشفہ 12:11)

خدا کےبرگزیدوں کا رویہ
خدا کےبرگزیدہ خرید و فروخت کے انکار سے خوفزدہ نہیں ہوگی۔وہ سچائی پر قائم رہے گی چاہے بھوک سہنی پڑے۔
خدا اپنے خدا کےبرگزیدوں کا محافظ ہوگا،
جیسا کہ ایلیاہ کو قحط میں پرندوں کے ذریعے خوراک دی گئی تھی۔
بھائی برنہم فرماتے ہیں
"دلہن کبھی نشانِ حیوان قبول نہیں کرے گی — چاہے اس کے بدلے دنیا کا سارا مال سامنے ہو یا ساری بھوک۔

عدد 666 — مخالف مسیح کی مکمل شناخت

"حکمت کا یہ موقع ہے۔ جو سمجھ رکھتا ہے وہ اس حیوان کا عدد گن لے، کیونکہ وہ آدمی کا عدد ہے اور اس کا عدد چھ سو چھیاسٹھ ہے۔ (مکاشفہ 13:18)

حکمت کا یہ موقع ہے" — کیوں؟
"یہ عدد 666 ہے۔ خدا نے کہا، یہ ایک آدمی کا عدد ہے۔ اور اُس نے کہا، یہاں حکمت چاہیے! وہ یہ نہیں کہہ رہا کہ تمہیں گننے کا حساب آنا چاہیے، بلکہ تمہیں روحانی آنکھ چاہیے تاکہ تم دیکھ سکو کہ یہ کس چیز کی طرف اشارہ کرتا ہے!"
(Brother Branham, The Second Seal – 19 March 1963)
بھائی برینہم فرماتے ہیں
"اگر تم پوپ کے تاج پر موجود لاطینی الفاظ ویکارئیس فیلیئی دیئی '' کو لو، اور اسے رومن عددی سسٹم میں بدلو، تو تمہیں 666 کا عدد ملے گا۔ وہی ہے جس کا ذکر مکاشفہ میں ہے۔ یہی حیوان کا عدد ہے۔"
(Brother Branham, The Mark of the Beast – 13 May 1954)

عدد "666" کا کیا مطلب ہے؟
چھ (6) ہمیشہ بائبل میں انسان کا عدد رہا ہے:انسان چھٹے دن پیدا ہوا (پیدائش 1:26-31) چھ خدا کی تخلیق میں انسان کی محدودیت کی علامت ہے۔
666 = 6 کا سہرا (Triple six) —

یعنی انسانی بغاوت،
انسانی حکومت،
اور انسانی مذہب کی تکمیل۔
➔ یہ انسان کی خدا کے خلاف آخری مکمل بغاوت کی علامت ہے۔
➔ یہ خدا کے کامل عدد "7" کے مقابل میں انسان کا ناقص عدد "6" تین گناہ دہرا کر ظاہر کرتا ہے۔
بھائی برینہم نے فرمایا
"666 وہ نشان ہے جہاں انسان مذہب، سیاست، اور معیشت میں مکمل شیطانی اختیار حاصل کر لیتا ہے — ایک مکمل شیطانی دنیا۔
"یہاں حکمت چاہیے، جس کو سمجھ ہو وہ حیوان کے عدد کو گنے کیونکہ وہ آدمی کا عدد ہے اور اس کا عدد چھ سو چھیاسٹھ (666) ہے۔" (مکاشفہ 13:18)
یہ عدد 666 دراصل رومی کیتھولک چرچ اور اس کے رہنما (پوپ) کے لقب سے جُڑا ہوا ہے۔
1. 666 اور
"Vicarius Filii Dei" ویکارئیس فیلیئی دیئی کی عددی مطابقت
(i) پوپ کا لاطینی لقب
رومن کیتھولک چرچ میں پوپ کو
"Vicarius Filii Dei" ویکارئیس فیلیئی دیئی کہا جاتا ہے،

جس کا مطلب ہے "خدا کے بیٹے کا نائب"
(ii) رومن عددی نظام میں اس کی گنتی لاطینی زبان میں بعض حروف کے ساتھ عددی قدریں
(Numerical Values) جڑی ہوتی ہیں۔
اگر ہم ویکارئیس فیلیئی دیئی
"Vicarius Filii Dei"
کو عددی قدروں کے مطابق جمع کریں، تو نتیجہ 666 نکلتا ہے

یہاں پر
"VICARIUS" کا عددی مجموعہ 112 بنتا ہے۔
"FILII" کا عددی مجموعہ 53 بنتا ہے۔
"DEI" کا عددی مجموعہ 501 بنتا ہے۔
112 + 53 + 501 = 666
یہی وہ عدد (666) ہے جس کا ذکر مکاشفہ 13:18 میں "حیوان کے عدد" کے طور پر کیا گیا ہے، اور یہ براہ راست رومی پوپ کے لقب سے جُڑا ہوا ہے۔
666 چھ سو چھیاسٹھ کا مطلب ہے "کامل انسانی حکمرانی جو خدا کی بجائے شیطان کے قابو میں ہے"۔
(ii) مکاشفہ میں 666 کی تشریح
یہ "آدمی کا عدد" ہے → یعنی یہ کسی انسانی طاقت یا حکمران سے جُڑا ہوا ہے۔
یہ حیوان کا عدد ہے → یعنی یہ رومی کیتھولک چرچ اور اس کے مذہبی و سیاسی نظام کی نشاندہی کرتا ہے۔

2. "Vicarius Filii Dei"ویکارئیس فیلیئی دیئی
کا عددی مجموعہ 666 ہے، جو حیوان کے نشان سے جُڑا ہوا ہے۔
"یہاں پر حکمت کی بات ہے، جو 666 کے عدد کو پہچان سکتا ہے، وہ دیکھے کہ یہ ایک آدمی کا عدد ہے۔ اگر آپ پوپ کے لقب 'ویکارئیس فیلیئی دیئیi' کو دیکھیں، تو آپ کو وہ عدد 666 ملے گا! یہی وہ مخالف مسیح کا نشان ہے جو آخری زمانہ میں دنیا پر حکومت کرے گا!"
(Brother Branham, The Second Seal, 1963)
666 کا عملی اطلاق مذہب۔۔۔ مخالف مسیح چرچ سسٹم (کیھتولک اور اس کے اتحادی)
سیاست۔۔۔ عالمی حکومت (ایک عالمی نظام)
معیشت۔۔۔ عالمی مالیاتی کنٹرول (خرید و فروخت پر کنٹرول)
➔ ان تینوں ستونوں پر کھڑا ہوگا حیوان کا نظام۔

دلہن کلیسیا کی بصیرت
دلہن کلیسیا عدد 666 کے فریب کو پہچانے گی۔وہ جان لے گی کہ:جھوٹا مذہب،جھوٹی عالمی سیاست،جھوٹا اقتصادی نظام یہ➔ سب حیوان کی روح سے متاثر ہیں۔
بھائی برینہم نے کہا
"دلہن کلام کے ساتھ جمی رہے گی، نہ کہ کسی مذہبی اتحاد یامخالف مسیح معاہدے کے ساتھ۔

خلاصہ
666۔۔۔ انسان کی مکمل بغاوت اور شیطانی نظام کی علامت
حیوان کا عدد ۔۔۔مذہب + سیاست + معیشت میں مخالف مسیح کا کنٹرول
دلہن کا ردعمل۔۔۔ سچائی پر قائم رہنا، کلام کی حکمت سے فریب کو پہچاننا
یہ عدد رومی کیتھولک چرچ اور اس کے مذہبی و سیاسی نظام کو ظاہر کرتا ہے۔
یہ پوپ کے لقب ویکارئیس فیلیئی دیئی "Vicarius Filii Dei" سے جُڑا ہوا ہے۔
یہ مخالفِ مسیح کی شناخت کو ظاہر کرتا ہے۔

اختتامیہ

جب زمین پر بازاروں کے دروازے بند ہو جائیں گے،جب روٹی اور پانی بھی وفاداری کے بدلے میں بیچے جائیں گے،اور جب دہنے ہاتھوں اور ماتھوں پر غلامی کی چھاپ ثبت کی جائے گی،تب دنیا گمراہی کے تاریک ترین دور میں داخل ہو چکی ہوگی۔
چھوٹے بڑے، امیر غریب، آزاد غلام —سب ایک عدد، چھ سو چھیاسٹھ (666)، کی غلامی میں قید ہوں گے۔انسان کی آخری بغاوت کا تاج ان کے سروں پر ہوگا،اور جھوٹے معجزات کی چمک ان کی آنکھوں کو اندھا کر دے گی۔
مگر برّہ کی دلہن جانتی ہے —کہ یہ دنیاوی شان، یہ مذہبی اتحاد،یہ معاشی غلامی صرف ایک دھواں ہے جو جلد بکھر جائے گا۔
وہ نہ ہاتھ پر مہر لگائے گی، نہ ماتھے پر۔اس کی مہر پہلے ہی لگ چکی ہے —روح القدس کی مہر، جو اسے برّہ کی کتابِ حیات میں ثبت کر چکی ہے۔

مسیح میں اپ کا بھائی جاوید جارج
از ہلسنکی فن لینڈ

]]> https://resources.thewordrevealed.net/beasts-from-the-sea-and-the-earth-the-rise-of-the-end-time-powers-part-4/feed/ 0 Beasts from the Sea and the Earth: The Rise of the End-Time Powers Part 3 https://resources.thewordrevealed.net/beasts-from-the-sea-and-the-earth-the-rise-of-the-end-time-powers-part-3/ https://resources.thewordrevealed.net/beasts-from-the-sea-and-the-earth-the-rise-of-the-end-time-powers-part-3/#respond Sat, 26 Apr 2025 13:43:35 +0000 https://resources.thewordrevealed.net/?p=2353 Read more]]>

حصہ سوئم

خشکی سے نکلنے والا حیوان: مخالف مسیح قوتوں کا زندہ بُت اور جھوٹے معجزات

تعارف
سمندر اور خشکی سے نکلنے والے حیوان: آخری زمانے کی طاقتوں کا عروج – حصہ سوم
تعارف
جب نبوتوں کی لہریں بلند ہوتی جا رہی ہیں، اور آخری زمانے کی تاریکیاں گہری ہو رہی ہیں، تو مکاشفہ کی کتاب میں بیان کردہ دونوں عظیم حیوان پوری قوت کے ساتھ اپنے چہرے آشکار کر چکے ہیں —ان آنکھوں کے سامنے جو دلہن کی روحانی سمجھ رکھتی ہیں۔قوموں کے شوریدہ سمندر سے پہلا حیوان نکلا —ایسا حیوان جو سیاسی قوت اور مذہبی فریب کا مرکب تھا،جس کے سروں پر تاج اور کفریہ نام خدا تعالیٰ کے مقابلے میں بغاوت کا اعلان کرتے تھے۔
پھر ایک دوسری زمین سے —خاموش اور غیرآباد خشکی سے — دوسرا حیوان نمودار ہوا،جس کی صورت مینڈھے جیسی معصوم تھی،مگر اس کی زبان میں وہی قدیم اژدہا گرجتا تھا۔ہم اپنے اس سفر کے پہلے دو حصوں میں ان نبوتی طاقتوں کی شناخت اور مشن کو آشکار کر چکے ہیں۔ اور اب حصہ سوم میں ہم قریب تر آ گئے ہیں اُس فیصلہ کن مقام پر جہاں دوسرا حیوان پہلے حیوان کی ساری طاقت کو استعمال کرتا ہے،وہ جھوٹے نشان دکھا کر دنیا کو گمراہ کرتا ہے،وہ زمین کے رہنے والوں کو مجبور کرتا ہے کہ حیوان کی شبیہ کی پرستش کریں،اور وہ ایک ایسا زندہ نظام قائم کرتا ہے جو سجدہ نہ کرنے والوں کو موت کی دھمکی دیتا ہے۔
یہ گھڑی بے حد نازک ہے —لہٰذا لازم ہے کہ دلہن کلیسیا اس مخالف مسیح کے فریب کے عروج کو پہچانے،تاکہ وہ غیرمتزلزل ہو کر کلام کی سچائی پر کھڑی رہ سکے۔
معرکہ کی لکیریں کھنچ چکی ہیں۔آخری قوتیں اپنی اپنی جگہ لے چکی ہیں۔اور دلہن کو دشمن کی چالوں کو جاننا ضروری ہے —ڈرانے کے لیے نہیں،بلکہ غالب آنے کے لیے۔
آئیے ہم یسوع مسیح کے مکاشفہ میں مزید گہرائی سے آگے بڑھیں،جہاں نبوت، تاریخ اور زندہ کلام ہمیں ایک انتباہ بھی دیتے ہیں اور ایک پکار بھی
تیاری کی پکار۔

مکاشفہ13 باب 12-15
اور یہ پہلے حَیوان کا سارا اِختیّار اُس کے سامنے کام میں لاتا تھا اور زمِین اور اُس کے رہنے والوں سے اُس پہلے حَیوان کی پرستِش کراتا تھا جِس کا زخمِ کاری اچھّا ہو گیا تھا۔
13 اور وہ بڑے بڑے نِشان دِکھاتا تھا۔ یہاں تک کہ آدمِیوں کے سامنے آسمان سے زمِین پر آگ نازِل کر دیتا تھا۔
14 اور زمِین کے رہنے والوں کو اُن نِشانوں کے سبب سے جِن کے اُس حَیوان کے سامنے دِکھانے کا اُس کو اِختیّار دِیا گیا تھا اِس طرح گُمراہ کر دیتا تھا کہ زمِین کے رہنے والوں سے کہتا تھا کہ جِس حَیوان کے تلوار لگی تھی اور وہ زِندہ ہو گیا اُس کا بُت بناؤ۔
15 اور اُسے اُس حَیوان کے بُت میں رُوح پھُونکنے کا اِختیّار دِیا گیا تاکہ وہ حَیوان کا بُت بولے بھی اور جِتنے لوگ اُس حَیوان کے بُت کی پرستِش نہ کریں اُن کو قتل بھی کرائے۔

دوسرا حیوان اور پہلے حیوان کا اختیار

"اور یہ پہلے حیوان کا سارا اختیار اُس کے سامنے کام میں لاتا تھا..."
(مکاشفہ 13:12)
دوسرا حیوان کیسے پہلے حیوان کی خدمت کرتا ہے؟
دوسرا حیوان (امریکہ) اپنی قومی طاقت، عالمی اثرورسوخ، اور فوجی دباؤ استعمال کر کے ➔ پہلے حیوان (رومی کیھتولک دجالی سلطنت) کی مدد کرتا ہے۔
بھائی برینہم کہتے ہیں
"امریکہ ٘کالف مسیح کے اشارے پر دنیا کو ایک جھوٹے مذہبی نظام کے تحت لے آئے گا۔ وہ اپنی طاقت کا استعمال کرے گا تاکہ رومی حیوان کی شبیہہ کو زندہ کرے اور سب کو اس کے سامنے جھکنے پر مجبور کرے۔

مذہبی اختیار ➔ امریکہ مذہبی اتحاد ورلڈ کونسل آف چرچز( کی راہ ہموار کرے گا۔اوراقتصادی دباؤ ➔ جو قوم یا فرد مخالف مسیح نظام کی اطاعت نہ کرے گا، اسے خرید و فروخت سے روکا جائے گا۔فوجی طاقت ➔ مخالفت کرنے والوں کو جبر سے کچلا جائے گا۔
بھائی برینہم کہتے ہیں
"امریکہ وہ جگہ بنے گا جہاں سے مذہبی جبر دوبارہ شروع ہوگا، اور یہ جبر کلیسیائی مخالف مسیح کے حق میں ہوگا — ورلڈ کونسل آف چرچز کے ذریعے۔" روحانی پہلو
دوسرا حیوان ایک "خادم" کے طور پر کام کرتا ہے،لیکن وہ خادم خدا کے لیے نہیں بلکہ مخالف مسیح کے لیے کام کرتا ہے۔دنیا کو ایسا دکھایا جائے گا کہ یہ سب "امن" اور "مذہبی ہم آہنگی" کے لیے ہو رہا ہے —مگر اصل میں یہ خدا کے کلام کے خلاف بغاوت ہے۔

خلاصہ
وہی زمین جس نے کبھی آزادی کے نعروں سے گونجتی فضاؤں میں جنم لیا تھا،آج مخالف مسیح کے تخت کی تعمیر میں مصروف ہے۔امریکہ، جس کی بنیاد مذہبی آزادی پر رکھی گئی تھی،اب شیطان کی شبیہہ کو سہارا دے رہا ہے —اور پوری دنیا کو فریب کی زنجیروں میں جکڑنے کے لیےاپنی طاقت، اپنی زبان، اور اپنی روح قربان کر چکا ہے۔ مگر خداوند کی دلہن بیدار ہے۔وہ جانتی ہے کہ یہ وقت سجدہ کرنے کا نہیں،بلکہ فتح کے لیے کھڑے ہونے کا ہے۔

زمین کے رہنے والوں سے پہلے حیوان کی پرستش کرانا

آیت
"اور زمین اور اُس کے رہنے والوں سے اُس پہلے حیوان کی پرستش کراتا تھا جس کا زخمِ کاری اچھا ہو گیا تھا۔"
(مکاشفہ 13:12)
بھائی برینہم نے کہا
دوسرا حیوان کیا کرتا ہے؟دوسرا حیوان (امریکہ) اپنی طاقت اور اثرورسوخ استعمال کر کے پوری دنیا کو➔ پہلے حیوان (رومی مخالف مسیح سلطنت) کی پرستش پر مجبور کرتا ہے۔

یہ کوئی اختیاری عبادت نہیں ہوگی،بلکہ ایک زبردستی کی عبادت —جہاں ہر قوم، ہر فرد کو مجبور کیا جائے گا کہ وہ مخالف مسیح نظام کی اطاعت کرے،چاہے دل سے راضی ہو یا نہ ہو۔
"پرستش" کا حقیقی مطلب کیا ہے؟
"پرستش" کا مطلب صرف ظاہری عبادت نہیں، بلکہ:مخالف مسیح تعلیمات کو قبول کرنا ،جھوٹے روحانی نظام کے تابع ہوناسچے کلام سے انکار کرنا اور انسانی عقائد کو اختیار کرنا اورروحانی آزادی چھوڑ کر مخالف مسیح کی غلامی کو تسلیم کرنا۔
بھائی برینہم نے کہا
"پرستش کا مطلب صرف گھٹنے ٹیکنا نہیں — پرستش کا مطلب ہے کہ تم کس کے اختیار کو مانتے ہو، اور کس کے کلام کو اپنی زندگی پر نافذ کرتے ہو۔"

کیسے ہوگی یہ زبردستی؟
مذہبی اتحاد ورلڈ چرچز کونسل کی صورت میں کلیسیاؤں کا اتحاداقتصادی جبر جو مخالف مسیح نظام کو قبول نہ کرے، وہ خرید و فروخت نہیں کر سکے گا (مکاشفہ 13:17)سماجی دباؤمخالف مسیح اصولوں کو نہ ماننے والوں پر بائیکاٹ، پابندیاں، اور ظلم قانونی پابندیاں قوانین کے ذریعے جھوٹے مذہبی نظام کی لازمی اطاعت۔

بھائی برینہم نے انتباہ کیا
"وہ وقت آ رہا ہے جب صرف وہی شخص زندہ رہ سکے گا جو حیوان کے نظام کی اطاعت کرے گا — اور جو انکار کرے گا وہ مارا جائے گا یا بھوک سے مرے گا۔"

روحانی گہرائی: زمین کے رہنے والے وہ لوگ ہوں گے جو دنیاوی چیزوں سے محبت کرتے ہیں —ان کے نام برّہ کی کتابِ حیات میں نہیں ہوں گے۔یہ لوگ مخالف مسیح نظام کو خوشی سے یا جبر کے تحت قبول کر لیں گے۔
مگر دلہن کلیسیا، جس کا نام برّہ کی کتاب میں لکھا ہے،وہ ہر قیمت پر وفاداری سے سچائی پر قائم رہے گی۔

خلاصہ
جب زمین پر روحانی گھٹا ٹوپ اندھیرا چھا جائے گا،اور جب آزادی کے چراغ ایک ایک کر کے بجھا دیے جائیں گے،تب دنیا کے لوگ فریب کے سنہرے تاج کے نیچے جھکیں گے۔وہ اُس حیوان کی تعظیم کریں گے ،اس اس نے اپنی جھوٹی شان و شوکت کے ذریعے لاکھوں دلوں کو اندھیروں میں قید کر دیا۔
مگر مبارک ہیں وہ،جن کے نام برّہ کی کتابِ حیات میں بنای عالم سے پیشتفر لکھے گئے ہیں، کیونکہ مخالف مسیح کےفریب کے آگے جھکنے کے بجائےسچائی کے نور میں کھڑے رہیں گے اور غالب آئیں گے۔
اور 144,000 بنی اسرائیلیوں کی پیشانیوں پر خدا اپنی مہر ثبت کرے گا،تب دلہن کلیسیا پہلے ہی اپنی روحانی مہر کے ساتھ،برّہ کے خون اور کلام کی سچائی پر قائم ہو کرآسمان پر اٹھا لی جا چکی ہو گی —تاکہ وہ اُس ہولناک مصیبت کے دنوں کو نہ دیکھے،جن میں زمین پر قہر اور فریب کا راج ہوگا۔
کیونکہ دلہن کی تقدیر مصیبت نہیں،بلکہ عرش پر اپنے دلہا سے ملاقات ہے۔

آسمان سے آگ نازل کرنا اور جھوٹے معجزے

آیت
"اور وہ بڑے بڑے نشان دکھاتا تھا، یہاں تک کہ آدمیوں کے سامنے آسمان سے زمین پر آگ نازل کر دیتا تھا۔" (مکاشفہ 13:13)
"آسمان سے آگ نازل کرنا" کا حقیقی مفہوم:یہ ظاہری طور پر کسی قدرتی آگ یا بمباری کی بات نہیں ہے۔
بھائی برینہم فرماتے ہیں کہ یہ روحانی دھوکہ کی نشانی ہے:طاقتور روحانی مظاہر،،نظر آنے والے معجزات،،زبردست مذہبی تحریکیں،اور جھوٹے الہامات و کرامات۔

➔ یہ سب کچھ ایسا حقیقی نظر آئے گا کہ لوگ یہ سمجھیں گے کہ یہ خدا کی طرف سے ہے۔لیکن درحقیقت، یہ شیطان کی روح کے ذریعے انجام دیا جائے گا تاکہ سچائی اور جھوٹ کا فرق مٹ جائے۔
بھائی برینہم نے فرمایا
"شیطان آخری زمانے میں مذہب کے لباس میں آئے گا، جھوٹے معجزات کے ساتھ، تاکہ اگر ممکن ہو تو برگزیدہ بھی گمراہ ہو جائیں۔"

جھوٹے نشانات اور معجزات کی اقسام
جھوٹے الہامات نبیوں اور پیغمبروں کا جھوٹا دعویٰ،جھوٹے معجزات زبردست جسمانی شفایابی یا عجیب مظاہر جو خدا کی مرضی سے نہیں ہوں گےجھوٹے روحانی تجربات لوگوں کو فریب دینے والی روحانی تحریکیں جیسے "آگ برسنا" یا "روحانی گرنے" جیسے مظاہرے،جھوٹا امن کا پیغام ایسی تعلیم کہ "سب مذاہب ایک ہیں"، "سب خدا کی طرف جا رہے ہیں" — تاکہ مخالف مسیح اتحاد قائم ہو۔

آسمان سے آگ" کی گہری تشریح
آگ بائبل میں اکثر خدا کی حضوری یا عدالت کی علامت ہوتی ہے۔بائبل میں "آگ" اکثر اوقات درج ذیل باتوں کی علامت رہی ہے:
خدا کی حضوری۔۔خداوند نے جلتے ہوئے جھاڑی میں موسیٰ سے کلام کیا (خروج 3:2)
عدالت۔۔ سدوم و عمورہ پر آگ برسائی گئی (پیدائش 19:24)
قربانی کی قبولیت۔۔ ایلیاہ کی دعا پر آسمان سے آگ اتری (1 سلاطین 18:38)
روح القدس کی آمد ۔۔پنتکست کے دن آگ کے شعلے شاگردوں پر ظاہر ہوئے (اعمال 2:3)
➔ یعنی "آگ" بائبل میں اکثر خدا کی تصدیق، حقیقی معجزہ یا سزا کی علامت ہے۔ شیطان جھوٹے معجزات کے ذریعے یہی تاثر دے گا کہ گویا خدا خود ان مظاہر میں کام کر رہا ہے۔لوگ متاثر ہوں گے، جھکیں گے، اور مخالف مسیح سسٹم کو قبول کر لیں گے۔

مکاشفہ 13:13 میں "آسمان سے آگ" کا جھوٹا مظاہرہ
شیطان کی چال
آخری زمانے میں شیطان خدا کی سچائی کی نقل کرے گا۔وہ "آسمان سے آگ" جیسا مظاہرہ کرے گا تاکہ لوگوں کو یقین دلایا جائے کہ یہ واقعات "خدا کی طرف سے" ہیں۔یہ معجزات اتنے طاقتور اور حیران کن ہوں گے کہ اکثر لوگ یہ سمجھ بیٹھیں گے کہ واقعی خدا کام کر رہا ہے۔

کیسا نظر آئے گا یہ جھوٹا مظاہرہ؟
بڑے بڑے "روحانی جلسے"،شفا کے مظاہرے،آسمان سے عجیب روشنیوں کا ظہور، جھوٹے نبیوں کا حیران کن معجزے دکھانا،یہاں تک کہ "آسمانی آگ" جیسے تجربات۔➔ مگر اصل میں یہ سب کچھ خدا کی روح سے نہیں، بلکہ شیطان کے فریب سے ہوگا۔
بھائی برینہم نے تنبیہ کی
"آخری وقت میں معجزے اور نشانات سچائی کی علامت نہیں ہوں گے — صرف کلام کے ساتھ ہم آہنگی ہی سچائی کا معیار ہوگا۔"
روحانی سبق
صرف معجزہ دیکھ کر ایمان مت لائیں — ہر روح کو کلام کے معیار سے آزمائیں۔برگزیدہ کلام پر قائم رہیں گے، چاہے معجزات نہ بھی دیکھے۔اورشیطان اپنی جھوٹی آگ سے دنیا کو روشن کرے گا، مگر دلہن برّہ کے سچے نور میں چلے گی۔

جھوٹے معجزات کے ذریعے زمین کے رہنے والوں کو گمراہ کرنا

آیت
"اور وہ زمین کے رہنے والوں کو اُن نشانات کے سبب سے گمراہ کرتا تھا جن کے دکھانے کا اُسے اختیار دیا گیا تھا۔"
(مکاشفہ 13:14)

جھوٹے نشانات اور گمراہی کا عمل
دوسرے حیوان (امریکہ) کے ذریعہ دنیا کو جھوٹے روحانی نشانات دکھائے جائیں گے۔یہ معجزات اور روحانی تجربات اتنے شاندار اور مؤثر ہوں گے کہ سادہ دل لوگ سوچیں گے یہ واقعی خدا کی طرف سے ہیں اور وہ مخالف مسیح نظام کو سچ سمجھ کر قبول کر لیں گے۔
بھائی برینہم فرماتے ہیں
"شیطان معجزات دکھائے گا، پیغمبری کے دعوے کرے گا، اور جھوٹی روحانی تحریکیں چلائے گا — مگر ان سب کا مقصد لوگوں کو خدا کے حقیقی کلام سے ہٹا کر مخالف مسیح مذہبی نظام کے تحت لانا ہو گا۔"

یہ گمراہی کیوں اتنی خطرناک ہوگی؟
ظاہری اثر۔۔عجزات اور روحانی مظاہر اتنے شاندار ہوں گے کہ دیکھنے والے حیران رہ جائیں گے۔
مذہبی چہرہ۔۔یہ سب کچھ مذہب کے نام پر ہوگا، خدا کے نام سے، مگر اندر شیطانی ہوگا۔ سچائی کی نقل۔۔جھوٹے معجزات سچے روحانی تجربات کی نقل ہوں گے تاکہ برگزیدہ بھی اگر ممکن ہو تو گمراہ ہو جائیں۔

بھائی برینہم کی تنبیہ
"آخری فریب سب سے زیادہ مذہبی ہوگا — ایسا فریب جو بائبل، کلام، اور مسیحی اصطلاحات کا استعمال کرے گا، مگر اصل میں سچائی کے خلاف ہوگا۔"

متی 24:24 کی روشنی میں
یسوع مسیح نے خبردار کیا تھا:
"کیونکہ جھوٹے مسیح اور جھوٹے نبی اٹھ کھڑے ہوں گے اور ایسے بڑے بڑے نشان اور عجیب کام دکھائیں گے کہ اگر ممکن ہو تو برگزیدوں کو بھی گمراہ کر دیں۔"متی 24:24
➔ یعنی یہ فریب اتنا باریک اور مؤثر ہوگا کہ جو لوگ سچائی میں مضبوط نہ ہوں گے، وہ بہ آسانی بہک جائیں گے۔

روحانی فرق: خدا کےبر گزیدہ اور زمین کے رہنے والے
زمین کے رہنے والےنشانات اور مظاہر پر ایمان لائیں گےپرخدا کےبر گزیدہ کلامِ مقدس پر ایمان لائیں گے۔
زمین کے رہنے والےظاہری کرامتوں کو سچ سمجھیں گے پرخدا کےبر گزیدہ ہر روح کو کلام کے مطابق پرکھیں گے۔
زمین کے رہنے والےمخالف مسیح نظام کو قبول کریں گے۔پرخدا کےبر گزیدہسچائی کے لیے جان بھی قربان کریں گے۔
بھائی برینہم فرماتے ہیں
"بر گزیدہ کبھی جھوٹے معجزے کے جال میں نہیں پھنسے گی، کیونکہ وہ کلام کے ساتھ مہر بند ہو چکی ہے۔"
خلاصہ جب جھوٹے نبی آسمان سے معجزوں کی بارش کریں گے،جب زمین پر روحانی حیرتوں کے بازار سجیں گے،تب دنیا خوشی سے جھومے گی، تالیاں بجائے گی، اور جھک جائے گی۔
مگرخدا کےبر گزیدہ خاموش کھڑے ہونگے —نہ چمکدار معجزات کے دھوکے میں آئے گی،نہ جھوٹی شفا کی چمک میں بہکائے گی۔وہ صرف ایک آواز سنے گی — برّہ کے خون میں لپٹے ہوئے کلام کی سچی گونج۔

جس حیوان کے تلوار لگی تھی اور وہ زندہ ہو گیا تھا

آیت:
"...جس حیوان کے تلوار لگی تھی اور وہ زندہ ہو گیا تھا..." (مکاشفہ 13:14)

یہ "تلوار لگنا" کس چیز کی علامت ہے؟
"تلوار لگنا" یہاں رومی مخالف مسیح سلطنت پاپائی سلطنت کو سیاسی زوال پہنچنے کی علامت ہے۔
"رومی مذہبی سلطنت کو ایک مہلک زخم اُس وقت لگا جب 1798ء میں نپولین کے جنرل 'برتھیر' نے پوپ کو معزول کیا اور قید کر لیا۔"
➔ یعنی
رومی کلیسیائی قوت کو دنیاوی حکومت سے بے دخل کر دیا گیا۔پوپ کو قید کیا گیا اور روم کی مذہبی و سیاسی بادشاہی ٹوٹ گئی۔

"اور وہ زندہ ہو گیا تھا" کا کیا مطلب ہے
یہ حیوان (یعنی رومی کلیسیائی طاقت) مکمل طور پر ختم نہیں ہوئی تھی —بلکہ کچھ عرصے کے بعد ➔ اسے دوبارہ طاقت اور حیثیت حاصل ہوئی۔ رومی مذہبی نظام نے اپنی روحانی اور سیاسی حیثیت کو بحال کر لیا، اور دوبارہ دنیا کی بڑی طاقتوں میں شمار ہونے لگا۔"
➔ خاص طور پر:1929ء میں لیٹرن معاہدہ کے ذریعے➔ ویٹیکن سٹی کو دوبارہ خود مختار ریاست کا درجہ ملا۔➔ پوپ کو عالمی سطح پر تسلیم کیا گیا۔
➔ یوں یہ حیوان جو "زخم کھا کر گرا تھا" اب دوبارہ "زندہ" ہو کر اٹھ کھڑا ہوا۔

📚 مختصر تاریخی پس منظر
1798ء ۔۔جنرل برتھیر نے پوپ کو قید کر کے رومی کلیسیائی حکومت کا خاتمہ کر دیا۔
1929ء ۔۔اٹلی اور ویٹیکن کے درمیان لیٹرن معاہدہ پر دستخط؛ ویٹیکن کو خودمختاری ملی۔
اس "زخم کا اچھا ہوہونے کا مطلب
رومی کلیسیائی قوت (کیھتولک چرچ) نے نہ صرف دوبارہ اقتدار حاصل کیا،بلکہ اب وہ پہلے سے زیادہ خطرناک ہو گئی —کیونکہ اب یہ مذہبی روحانیت اور سیاسی طاقت کا مرکب بن کر سامنے آئی۔

بھائی برینہم نے انتباہ کیا
"وہی پرانی روح، وہی پرانا دجالی نظام، آج اپنے زخم کو چھپا کر دنیا کو پھر سے فریب میں ڈالنے کے لیے اٹھ کھڑا ہوا ہے۔"
روحانی گہرائی
"زخم" = عارضی شکست
"زندہ ہو جانا" = آخری زمانے میں مخالف مسیح قوت کا دوبارہ ابھرنااورزمین کے رہنے والے اس "زندہ ہو چکے حیوان" کی عظمت کو دیکھ کر اس کی پرستش کرنے لگیں گے۔
➔ مگر برگزیدہ جانتے ہیں کہ یہ بظاہر زندہ حیوان درحقیقت موت اور فریب کا مجسمہ ہے۔

پہلے حیوان کے لیے بُت بنانا

آیت
"اور زمین کے رہنے والوں سے کہتا تھا کہ جس حیوان کے تلوار لگی تھی اور وہ زندہ ہو گیا اُس کا بُت بناؤ۔" (مکاشفہ 13:14)

بُت بنانے کا حقیقی مطلب
یہاں "بُت" بنانے کا مطلب کوئی مٹی یا لکڑی کا مجسمہ بنانا نہیں ہے۔ یہ بُت ایک روحانی اور مذہبی نظام ہوگا —➔ ایک ایسا نظام جو پہلے حیوان (روم کی مخالف مسیح سلطنت) کی روحانی شبیہ ہو گا۔
بھائی برینہم نے فرمایا
"یہ ورلڈ کونسل آف چرچز ہوگی — ایک مذہبی اتحاد، جو پروٹسٹنٹ کلیسیاؤں کو رومی دجالی کلیسیا کے ساتھ جوڑ دے گا۔ یہ بُت زندہ ہوگا، اختیار سے بھرپور، اور پرستش کا مطالبہ کرے گا۔"

کیوں بُت بنایا جائے گا؟
مخالف مسیح کے سسٹم کی بحالی،پہلے حیوان (روم) کو نئی زندگی دینا
دنیا پر حکومت۔۔۔ مذہبی اتحاد کے ذریعہ سیاسی کنٹرول حاصل کرنا،
برگزیدوں کی آزمایش۔۔ سچائی پر قائم رہنے والوں کو الگ کرنا اور ان کی وفاداری آزمانا۔
بُت بنانے کا عمل:
امریکہ (دوسرا حیوان) قیادت کرے گا۔اورپروٹسٹنٹ چرچ اور دوسرے مذاہب ایک عالمی اتحاد میں شامل ہوں گے۔
اس اتحاد کا مقصد ہوگا:مذہبی وحدت کے نام پر تمام فرقوں کو ایک لانا،مگر حقیقی کلام کو چھوڑ کر انسانی روایات کو قبول کروانا۔

بھائی برینہم کا انتباہ:
"جو کوئی اس جھوٹے اتحاد کا حصہ بنے گا، وہ مخالف مسیح نشان قبول کرے گا — اور جو انکار کرے گا، وہ دبا دیا جائے گا یا مارا جائے گا۔"

"زندہ بُت" — کیا مطلب ہے؟ یہ بُت صرف بے جان نظام نہیں ہوگا۔بلکہ اس میں زندگی ہوگی — یعنی:➔ اختیار، طاقت، فیصلے اور عمل کرنے کی قوت۔
یہ بُت:احکام جاری کرے گا،قوانین بنائے گا،لوگوں پر حکومت کرے گا،اور جو اس کی اطاعت نہ کرے گا، اسے سزا یا موت دے گا۔
بھائی برینہم نے کہا
"یہ بُت ورلڈ کونسل آف چرچز کی شکل میں زندہ ہوگا — ایک ایسا مذہبی اور سیاسی اتحاد جو شیطانی نظام کو زمین پر قائم کرے گا۔"

خلاصہ
زمین جس نے کبھی آزادی کے خواب دیکھے تھے،اب ایک جھوٹے اتحاد کے بوجھ تلے جھک رہی ہے۔بُت بنایا جا رہا ہے — نہ مٹی کا، نہ پتھر کا،بلکہ انسانی خواہشات، مذہبی فریب،اورشیطانی روحوں کا ایک زندہ مجسمہ۔
اور جب یہ بُت اپنے احکام سنائے گا،تب صرف وہی بچ سکیں گےجن کے دلوں پر پہلے سے برّہ کی روحانی مہر ثبت ہو چکی ہوگی۔

بُت میں روح پھونکنے کا اختیار اور نافرمانوں کا قتل

آیت
"اور اُسے اُس حیوان کے بُت میں رُوح پھونکنے کا اِختیار دیا گیا تاکہ وہ بُت بولے بھی اور جِتنے لوگ اُس حیوان کے بُت کی پرستش نہ کریں اُن کو قتل بھی کرائے۔" (مکاشفہ 13:15)

"بُت میں روح پھونکنے" کا کیا مطلب ہے؟
یہاں "روح پھونکنے" کا مطلب ہے:زندگی دینا — یعنی وہ بُت صرف ایک رسمی اتحاد یا مردہ مذہبی سسٹم نہیں رہے گا۔بلکہ وہ فعال ، طاقتوراور فیصلہ کن قوت بن جائے گا۔
بھائی برینہم نے فرمایا
"یہ بُت یعنی ورلڈ کونسل آف چرچز محض نام کا اتحاد نہیں ہوگا بلکہ ایک ایسا فعال مذہبی سیاسی نظام بنے گا جو لوگوں پر حکمرانی کرے گا اور فیصلے سنائے گا۔"

"بُت کا بولنا" کا مطلب یہ بُت:اپنے قوانین جاری کرے گا،اپنے احکامات نافذ کرے گا،مذہبی اصولوں کے نام پر سزائیں مقرر کرے گا۔➔ اور جو کوئی اس کے قوانین کو تسلیم نہ کرے گا،➔ یا بُت (مخالف مسیح نظام) کی پرستش سے انکار کرے گا،➔ اُس کو جانی سزا (قتل) دی جائے گی۔
بھائی برینہم کی انتباہی وضاحت
"یہ مخالف مسیح حکومت لوگوں پر اپنی مذہبی اطاعت مسلط کرے گی — اور جو انکار کرے گا، وہ زندہ نہیں رہنے دیا جائے گا۔"

کس طرح بُت کی پرستش نہ کرنے والوں کا قتل ہوگا؟
مذہبی جبر۔۔ بائبل پر قائم رہنے والے ایمانداروں کو "بدعتی" قرار دیا جائے گا۔
قانونی پابندیاں۔۔ قانون کے ذریعے سچائی کی منادی اور سچی عبادت پر پابندی لگے گی۔
سماجی بائیکاٹ۔۔ معاشرتی طور پر الگ تھلگ کر دیا جائے گا، زندہ رہنے کے وسائل چھین لیے جائیں گے۔
جسمانی موت۔۔ شدید ترین صورت میں مخالفین کو قتل کر دیا جائے گا۔

بھائی برینہم نے خبردار کیا
"یہ مذہبی جنگ تلوار یا بندوقوں سے نہیں بلکہ قوانین، پابندیوں اور معاشرتی دباؤ کے ذریعے لڑی جائے گی — اور آخر میں خونی ظلم برپا ہوگا۔"

خدا کے برگزیدوں پر اثر
وہ سچائی سے کلام پر قائم رہیں گے۔اورمخالف مسیح نظام کے سامنے جھکنے سے انکار کریں گے۔سخت آزمائش اور ظلم برداشتکریں گے۔
بھائی برینہم فرماتے ہیں
"دلہن کلیسیا کلام پر قائم رہنے کی قیمت ادا کرے گی، مگر اسے زمین پر مخالف مسیح کے قہر دیکھنے کی ضرورت نہیں پڑے گی — کیونکہ وہ پہلے ہی اُٹھا لی جائے گی۔"

خلاصہ
جب بُت میں جھوٹے روح کا سانس پھونکا جائے گا،تو وہ محض ایک علامت نہیں رہے گا — وہ بولے گا، حکم دے گا،اور اپنی شیطانی طاقت کے ساتھ وفادار دلوں پر قہر برسائے گا۔
اور جو دل سچائی کے برّہ سے جُڑے ہوں گے،وہ بُت کی جھوٹی شان کے سامنے نہ جھکیں گے،بلکہ وفاداری کی آخری قیمت چکانے کو تیار ہوں گے۔
مگر ان کے ماتھے پر برّہ کا نور چمکے گا —اور مخالف مسیح کی تمام طاقت ان کو جھکانے میں ناکام ہو جائے گی۔

اختتامیہ

جب زمین پر جھوٹے معجزات کی روشنی چمکنے لگے،اور مخالف مسیح بُت میں جھوٹی روح پھونکی جائے،تب ساری دنیا ایک ہی آواز میں جھکے گی —جھوٹے مذہبی نظام کے قدموں میں۔
مگرخدا کے برگزیدہ جانتے ہیں کہ یہ محض سنہری فریب ہے۔وہ نہ چمکدار معجزوں کے دھوکے میں آئیں گے،نہ مخالف مسیح قوانین کی دھمکیوں سے ڈریں گے۔وہ کلام کی بنیاد پر، برّہ کے خون میں قائم رہ کراپنی فتح کو یقینی بنائے گی۔

مگر کہانی ابھی مکمل نہیں ہوئی...
اب ہم بڑھنے والے ہیں اس فریب کی انتہا کی طرف،جہاں نہ صرف ایمان، بلکہ روزمرہ کی زندگی —خرید و فروخت — بھی مخالف مسیح نشان سے مشروط کر دی جائے گی۔جلد ہی دنیا پر ایک چھپی ہوئی غلامی مسلط کی جائے گی،جہاں ایک عدد — چھ سو چھیاسٹھ (666) —انسانی اختیار کی آخری بغاوت کا نشان بنے گا۔یہ عدد ظاہری نشان سے کہیں زیادہ ایک روحانی وفاداری کی مہر ہوگا،جو انسان کو یا برّہ کی زندگی کی راہ پر لے جائے گا —یا حیوان کے قہر کی راہ پر۔
آنے والا حصہ ہمیں اس نشانِ حیوان اور عدد 666 کی گہرائی میں لے جائے گا،جہاں مصیبت کی رات اور سچائی کی آخری روشنی ایک دوسرے کا سامنا کریں گے۔

مسیح میں آپ کا بھائی جاوید جارج
از ہلسنکی فن لینڈ

]]> https://resources.thewordrevealed.net/beasts-from-the-sea-and-the-earth-the-rise-of-the-end-time-powers-part-3/feed/ 0 Beasts from the Sea and the Earth: The Rise of the End-Time Powers Part 2 https://resources.thewordrevealed.net/beasts-from-the-sea-and-the-earth-the-rise-of-the-end-time-powers-part-2/ https://resources.thewordrevealed.net/beasts-from-the-sea-and-the-earth-the-rise-of-the-end-time-powers-part-2/#respond Sat, 26 Apr 2025 10:01:05 +0000 https://resources.thewordrevealed.net/?p=2286 Read more]]>

دوسرا حصہ: خشکی سے نکلنے والا حیوان

تعارف
اب سمندر کی شوریدہ اور طوفانی موجوں سے ابھرنے والے پہلے حیوان نے اپنی سفاک حکومت کا پرچم لہرایا،اور اقوام و ملوک کو اپنے کفر آلود تاج کے نیچے جھکا لیا،تب زمین کی سنسان، غیرآباد اور خاموش خشکی کی کوکھ سے ایک دوسرا حیوان نمو پاتا ہے —ایک ایسا حیوان جو نہ تو شور مچاتا ہے، نہ ہی پہلی نظر میں کوئی خطرہ دکھائی دیتا ہے۔
یہ حیوان مینڈھے کی مانند دکھائی دیتا ہے ۔
اس کے دو سینگ مذہبی اور سیاسی آزادی کی علامت کے طور پر چمکتے ہیں،اور اس کی پیشانی پر شرافت، نیکی اور آزادی کا نقاب پڑا ہوا ہے۔مگر جب یہ لب کھولتا ہے، تو اس کی زبان سے اژدہے کی سانس برآمد ہوتی ہے —ایسی شیطانی آواز جو دنیا کو دھوکہ، جبر، اور کفر کی جانب بلاتی ہے۔
یہ دوسرا حیوان جس کی شناخت وقت کے نبیِ بھائی برینہم نے بڑی حکمت سے بیان کی — آخری زمانے کے ٘مخالف مسیح نظام میں ایک خاموش، پُرفریب مگر قاتلانہ کردار ادا کرتا ہے۔ یہ حیوان درپردہ پہلے حیوان، یعنی رومی مخالف مسیح سلطنت، کی شبیہہ کو بحال کرتا ہے،اور پوری زمین کے باسیوں کو مجبور کرتا ہے کہ وہ اس جھوٹے مذہبی اور سیاسی اقتدار کے سامنے سجدہ ریز ہوں۔
یہ حیوان شروع میں آزادی کا علمبردار دکھائی دیتا ہے،لیکن آخرکار وہی آزادی کو مخالف مسیح کی غلامی میں تبدیل کر دیتا ہے —اور خدا کی کتاب میں لکھی نبوتوں کے عین مطابق، زمین کو ایک عظیم فریب میں مبتلا کر دیتا ہے،جہاں سچائی دب جاتی ہے، اور ظلم و بدکاری تخت نشین ہو جاتی ہے۔

18مکاشفہ 13باب 11۔
پھِر مَیں نے ایک اَور حَیوان کو زمِین میں سے نِکلتے ہُوئے دیکھا۔ اُس کے برّہ کے سے دو سِینگ تھے اور اژدہا کی طرح بولتا تھا۔
12 اور یہ پہلے حَیوان کا سارا اِختیّار اُس کے سامنے کام میں لاتا تھا اور زمِین اور اُس کے رہنے والوں سے اُس پہلے حَیوان کی پرستِش کراتا تھا جِس کا زخمِ کاری اچھّا ہو گیا تھا۔
13 اور وہ بڑے بڑے نِشان دِکھاتا تھا۔ یہاں تک کہ آدمِیوں کے سامنے آسمان سے زمِین پر آگ نازِل کر دیتا تھا۔
14 اور زمِین کے رہنے والوں کو اُن نِشانوں کے سبب سے جِن کے اُس حَیوان کے سامنے دِکھانے کا اُس کو اِختیّار دِیا گیا تھا اِس طرح گُمراہ کر دیتا تھا کہ زمِین کے رہنے والوں سے کہتا تھا کہ جِس حَیوان کے تلوار لگی تھی اور وہ زِندہ ہو گیا اُس کا بُت بناؤ۔
15 اور اُسے اُس حَیوان کے بُت میں رُوح پھُونکنے کا اِختیّار دِیا گیا تاکہ وہ حَیوان کا بُت بولے بھی اور جِتنے لوگ اُس حَیوان کے بُت کی پرستِش نہ کریں اُن کو قتل بھی کرائے۔
16 اور اُس نے سب چھوٹے بڑوں دَولتمندوں اور غرِیبوں۔ آزادوں اور غُلاموں کے دہنے ہاتھ یا اُن کے ماتھے پر ایک ایک چھاپ کرا دِیا۔
17 تاکہ اُس کے سِوا جِس پر نِشان یعنی اُس حَیوان کا نام یا اُس کے نام کا عدد ہو اَور کوئی خرِید و فروخت نہ کرسکے۔
18 حِکمت کا یہ مَوقع ہے۔ جو سَمَجھ رکھتا ہے وہ اِس حَیوان کا عدد گِن لے کِیُونکہ وہ آدمِی کا عدد ہے اور اُس کا عدد چھ سَو چھیاسٹھ ہے۔

اس حیوان کی شناخت: خشکی سے نکلنا

خشکی سے نکلنا – کیا مطلب ہے؟
مکاشفہ 13:11 میں یوحنا رسول لکھتے ہیں
اور میں نے ایک اور حیوان کو زمین میں سے نکلتے دیکھا۔

یہاں "زمین" یا "خشکی" کا لفظ بہت اہم اور علامتی ہے۔
سمندر اور زمین کا فرق
سمندر =بائبل میں اقوام، ہجوم، بڑی آبادیاں اور گڑبڑ زدہ علاقوں کی علامت ہے۔
(مکاشفہ 17:15: "پانی" قوموں اور زبانوں کی علامت ہے۔)

زمین/خشکی =کم آبادی، غیر آباد، نئی بستی، یا ایسی جگہ جہاں پہلے کوئی بڑا سیاسی یا مذہبی نظام موجود نہ ہو۔
یہ حیوان ایسی سرزمین سے نکلتا ہے جو نسبتاً خالی، پرامن، اور نو آباد ہو —جہاں پہلے بڑے پیمانے پر اقوام کی گہماگہمی یا حکمرانی نہ ہو۔
بھائی برینہم نے کہا
یہ حیوان امریکہ کی نمائندگی کرتا ہے — وہ نئی دنیا جہاں یورپ کی خونریز تاریخ، مذہبی ظلم اور سیاسی جبر سے بچ کر لوگ آزادی کی تلاش میں گئے۔
بھائی برینہم نے مزید بتایا
یورپ میں مذہبی ظلم و ستم عام تھا (کیھتولک چرچ کی انکوئزیشن وغیرہ)۔اورسچے ایماندار پلگرام یورپ سے نکل کر نئی دنیا (امریکہ) میں آئے،تاکہ بائبل کے مطابق زندگی گزاریں — یہی وہ حیوان تھا جو خشکی سے نکلا، معصوم مینڈھے کی طرح۔

Pilgrims پلگرام حجرت کرنے والے ایماندارکون تھے؟
Pilgrimsپلگرام (یعنی حجاج یا ہجرت کرنے والے ایماندار) وہ لوگ تھے جو۔۔16ویں اور 17ویں صدی میں یورپ، خاص طور پر انگلینڈ سے تعلق رکھتے تھے۔یہ لوگ مذہبی آزادی کی تلاش میں نکلے کیونکہ یورپ میں:کلیسیائی جبر (کیھتولک اور اینگلیکن چرچ کا ظلم) یعنی سچی بائبل پر ایمان رکھنے والوں پر ظلم اور ا پنی مرضی سے عبادت کرنے پر پابندی تھی۔
ان کا مقصد تھا:ایسا مقام تلاش کرنا جہاں وہ آزادانہ خدا کی عبادت کر سکیں۔جہاں نہ کوئی بادشاہ ہو جو کلیسیا پر حکومت کرے، نہ کوئی مذہبی جبر ہو۔
پلگرام کی ہجرت۔1620ء میں تقریباً 100 سے زائدحجاج➔ ایک بحری جہاز پر سوار ہوئے جس کا نام مائی فلاورتھا ۔وہ یورپ چھوڑ کر بحراوقیانوس عبور کرتے ہوئے امریکہ (تب کی "نئی دنیا") پہنچے۔

وہ کہاں آباد ہوئے؟
موجودہ میساچوسٹس میں،جہاں انہوں نے پلائی ماؤتھ کالونی کی بنیاد رکھی ایک ایسا علاقہ جہاں بائبل کی بنیاد پر زندگی گزاری جا سکتی تھی۔

پلگرام اور مکاشفہ 13 کا تعلق
بھائی برینہم نے فرمایا
یہ وہ لوگ تھے جو مذہبی ظلم سے نکل کر نئی زمین پر آئے تاکہ بائبل کے مطابق زندگی گزاریں — یہی وہ حیوان تھا جو خشکی سے نکلا، معصوم مینڈھے کی طرح۔
پلگرام کی یہ نقل مکانی نبوت کا ظہور تھا
ایک نئی قوم جو مذہبی اور سیاسی آزادی کے اصولوں پر قائم ہوگی۔ایک نئی زمین (خشکی) سے ایک معصوم قوم کا ظہور۔

پس امریکہ
کوئی پرانی قوم یا سلطنت نہیں تھی، بلکہ ایک نو آباد سرزمین تھی۔یورپی اقوام کے مقابلے میں تازہ، آزاد، اور پرامن آغاز تھا۔اور یہ سب مکاشفہ 13 کی نبوت کا مکمل پورا ہونا تھا!
خلاصہ
خشکی کم آبادی یا نئی دنیا
حیوان۔۔امریکہ
نکلنے کا انداز پرامن، بغیر خونریزی کے، معصوم نظر آنے والا
مقصد شروع میں مذہبی اور سیاسی آزادی، آخر میں مخالف مسیح نظام کا حمایتی

اس کےدو سینگ – مینڈھے کی مانند

مکاشفہ 13:11 میں یوحنا نے لکھا
"...اس کے دو سینگ مینڈھے کے سے تھے اور وہ اژدہے کی مانند بولتا تھا۔"
یہ جملہ امریکہ کی ابتدائی شناخت اور بعد کی تبدیلی کو حیران کن انداز میں ظاہر کرتا ہے۔
دو سینگ = مذہبی اور سیاسی آزادی
پہلا مذہبی آزادی۔
امریکہ کی بنیاد اس اصول پر رکھی گئی تھی کہ ہر انسان کو یہ حق ہو کہ وہ اپنی مرضی سے خدا کی عبادت کرے۔اورکلیسیا اور ریاست الگ الگ ہوں۔اورپلگرام اور دوسرے ایماندار یورپ سے اسی لیے بھاگے تھے کہ وہاں کلیسیائی جبر تھا۔
بھائی برینہم نے فرماتے ہیں
"امریکہ کی روحانی بنیاد مذہبی آزادی تھی — ایک ایسی زمین جہاں انسان صرف خدا کے سامنے جھکتا تھا، کسی پادری یا بادشاہ کے سامنے نہیں۔"

دوسراسیاسی آزادی۔
امریکہ میں حکومت کا تصور یہ تھا کہ طاقت عوام کے ہاتھ میں ہو اورکوئی بادشاہ یا شہنشاہ ان پر حکومت نہ کرے۔اورآزادی اظہار، آزادی انتخاب، اور بنیادی انسانی حقوق کی گارنٹی دی گئی۔
بھائی برینہم کہتے ہیں
یہی دو سینگ — مذہبی اور سیاسی آزادی — امریکہ کی شناخت تھے، اور یہی اسے دوسرے ممالک سے ممتاز کرتے تھے۔"

مینڈھے جیسی شکل = معصومیت، شرافت، امن
مینڈھے کی علامت۔مینڈھا بائبل میں اکثر قربانی، معصومیت اور امن کی علامت ہے۔اورمسیح کو بھی "خدا کا برّہ" کہا گیا ہے (یوحنا 1:29)۔➔ یہاں مینڈھے کی مانند ہونا ظاہر کرتا ہے کہ امریکہ کا آغازبے ضرر،پُرامن،خدا کے اصولوں کا محافظ،آزادی اور حق کی تلاش میں سچائی کے ساتھ ہوا۔
بھائی برینہم نے فرمایا
امریکہ ایک معصوم مینڈھے کی مانند شروع ہوا — جو سچائی، آزادی، اور ایمان کی حفاظت کے لیے کھڑا تھا۔
بھائی برینہم کا انتباہ
"لیکن یاد رکھو، وہی مینڈھا آخر میں اژدہے کی مانند بولنے لگا — یہی امریکہ کی پیشگوئی ہے کہ وہ مخالف مسیح کے نظام کا سب سے بڑا حامی بنے گا۔"

اور یہ بولتا اژدہے کی مانند

بولتا اژدہے کی مانندہے
مکاشفہ 13:11 میں لکھا ہے
"...اور وہ اژدہے کی مانند بولتا تھا۔"
یہ جملہ اپنے اندر بہت بڑی اور خطرناک حقیقت کو سموئے ہوئے ہے۔کیونکہ یہ ظاہر کرتا ہے کہ جس حیوان کا آغاز معصومیت سے ہوا،وہ اپنی انتہا میں شیطان کی زبان بولنے لگے گا۔
اژدہے" کی بائبلی علامت۔
اژدہا بائبل میں ہمیشہ شیطان کی علامت ہے۔(مکاشفہ 12:9: "وہ بڑا اژدہا... جسے ابلیس اور شیطان کہا جاتا ہے۔")➔ لہٰذا "اژدہے کی مانند بولنا" کا مطلب ہے۔شیطانی مقاصد کی خدمت کرنا،جھوٹ، فریب، ظلم اور بدکاری کو فروغ دینااورخدا کے خلاف بغاوت کو بڑھاوا دینا۔
جب حیوان اپنا اصل چہرہ ظاہر کرتا ہے

پہلی چیز دھونس۔۔جو قوم کبھی مذہبی آزادی کی علمبردار تھی،وہ خود دوسروں پر عقیدے اور عبادت مسلط کرنے لگے گی۔اورایمان کی آزادی ختم کر دی جائے گی، اور لوگوں کو مخصوص مذہبی اور سیاسی نظام ماننے پر مجبور کیا جائے گا۔
بھائی برینہم نے فرمایا
"وہی امریکہ جو آزادی کے لیے بنا تھا، دجال کے ہاتھ میں جبر کا آلہ بنے گا۔"

دوسری چیز جبر
جو کوئی مخالف مسیح لے مذہبی نظام کو نہ مانے گااس پر پابندیاں لگائی جائیں گیاوراس کا معاشرتی بائیکاٹ ہوگا۔حتیٰ کہ قتل و غارت تک کی نوبت آئے گی (مکاشفہ 13:15)۔

تیسری چیز دھوکہ
جھوٹے وعدے، جھوٹی امن پسندی، اور جھوٹی روحانی حرکات کے ذریعے لوگوں کو فریب دیا جائے گا۔اورجھوٹے معجزات اور کرامات دکھا کر لوگوں کو یقین دلایا جائے گا کہ یہ خدا کی طرف سے ہیں۔
بھائی برینہم کی گواہی
"شیطان مذہب کے لباس میں آئے گا — ظاہری روحانیت کے ساتھ، مگر اندر سے دجال کا فریب ہوگا۔"

چوتھی چیزجھوٹے معجزے "اور وہ بڑے بڑے معجزے کرے گا یہاں تک کہ آگ کو آسمان سے زمین پر اتارے گا۔" (مکاشفہ 13:13)
جھوٹے انبیاء، جھوٹے نبی، جھوٹے چرچ اور جھوٹے نظام➔ یہ سب مل کر ایک عظیم روحانی فریب پیدا کریں گے۔

بھائی برینہم نے فرمایا
"یہ جھوٹے معجزے سچائی کی نقل ہوں گے تاکہ اگر ممکن ہو تو برگزیدہ بھی گمراہ ہو جائیں۔"
مخالف مسیح نظام کی تائید اور اطاعت
آخرکار، یہ حیوان لوگوں کو مجبور کرے گا کہ وہ پہلے حیوان (روم) کی شبیہ کی پرستش کریں۔اورجو اس نظام کو قبول نہیں کرے گانہ وہ خرید و فروخت کر سکے گا،نہ وہ معاشرتی طور پر زندہ رہ سکے گا،اور نہ وہ مخالف مسیح کے نظام کے بغیر اپنی آزادی بچا سکے گا۔
بھائی برینہم نے کہا
"یہ دوسرا حیوان — امریکہ — پوری دنیا کو مخالف مسیح کے قدموں میں لے آئے گا۔"

خلاصہ
وہی زمین جس نے کبھی آزادی کے چراغ روشن کیے تھے،اب اژدہے کی سانس سے بھڑکتے فریب کی آگ میں جلنے لگی ہے۔اور وہ قوم جو کبھی سچائی کی حفاظت کا عہد رکھتی تھی،آج مخالف مسیح کے تخت پر قربانی کے لیے دلوں کو باندھنے لگی ہے۔مگر مبارک ہیں وہ جو ان آخری اندھیری ساعتوں میں بھی برّہ کی پیروی کرتے ہیں۔

اختتامیہ

جب ہم خشکی سے نکلنے والے اس حیوان کی اصلیت پر غور کرتے ہیں،تو دیکھتے ہیں کہ ایک قوم جو مینڈھے کی مانند معصوم نظر آتی تھی،آخرکار اژدہے کی مانند بولنے لگی —اور اپنے الفاظ سے شیطان کے فریب کو زمین پر پھیلانے کا آلہ بن گئی۔
وہی ملک جو مذہبی اور سیاسی آزادی کا علمبردار تھا،اب ایک ایسا ہتھیار بنتا جا رہا ہے جس کے ذریعےمخالف مسیح نظام کو دنیا پر مسلط کیا جائے گا۔
دو سینگ جو کبھی آزادی کی علامت تھے،اب جھوٹی پرستش اور جبری غلامی کے ہتھیار بن چکے ہیں۔
بھائی برینہم کی نبوتی آنکھ نے یہ دن پہلے ہی دیکھ لیے تھے —کہ امریکہ، جس کا آغاز روحانی آزادی کے لیے ہوا تھا،آخری زمانے میں مخالف مسیح کی شبیہہ کا خادم بن کرتمام قوموں کو جھوٹے معجزات اور جھوٹے عقائد کے دھوکے میں ڈالے گا۔
مگر ابھی کھیل ختم نہیں ہوا۔
ابھی دشمن کا مکمل منصوبہ ،پردہ اٹھانے والا ہے۔اب ہم اُس خوفناک لمحے کے قریب پہنچ رہے ہیں جب:➔ ایک بُت بنایا جائے گا،➔ اسے زندہ کیا جائے گا،➔ اور ہر انسان کو مجبور کیا جائے گا کہ یا تو جھکے... یا مرے۔
تیار رہیے!
اگلے حصے میں ہم مخالف مسیح نظام کے اُس آخری اقدام کا مشاہدہ کریں گےجہاں جھوٹے معجزے، بُت کی پرستش، اور نشانِ حیوان کی حکمرانی ظاہر ہو گی۔یہ وہ گھڑی ہے جب سچائی اور فریب آخری بار آمنے سامنے آئیں گے۔

مسیح یسوع میں آپ کا بھائی جاوید جارج
از ہلسنکی فن لینڈ

]]> https://resources.thewordrevealed.net/beasts-from-the-sea-and-the-earth-the-rise-of-the-end-time-powers-part-2/feed/ 0 Beasts from the Sea and the Earth: The Rise of the End-Time Powers Part 1 https://resources.thewordrevealed.net/beasts-from-the-sea-and-the-earth-the-rise-of-the-end-time-powers/ https://resources.thewordrevealed.net/beasts-from-the-sea-and-the-earth-the-rise-of-the-end-time-powers/#comments Thu, 24 Apr 2025 21:25:54 +0000 https://resources.thewordrevealed.net/?p=2097 Read more]]>

حصہ اول

سمندر اور زمین سے نکلنے والے حیوان،آخری وقت کی طاقتوں کا عروج

آخری دنوں میں روم اور امریکہ کی متحدہ طاقت

تعارف
مکاشفہ کی کتاب بائبل کا وہ آخری صحیفہ ہے جس میں اس دنیا کے خاتمہ سے پہلے کے واقعات کو علامات اور تمثیلات کے ذریعے پیش کیا گیا ہے۔ ان میں سب سے پُراسرار اور اہم نبوتیں 13ویں باب میں درج ہیں، جہاں دو حیوانوں کا ذکر کیا گیا ہے – ایک سمندر سے نکلتا ہے اور دوسرا خشکی سے۔
یہ دونوں حیوان صرف جانور نہیں بلکہ مخالف مسیح طاقتوں اور سلطنتوں کی علامت ہیں، جو آخری زمانے میں خدا کے منصوبے کے خلاف ایک عالمی نظام قائم کریں گے۔
پہلا حیوان روم کی مذہبی اور سیاسی طاقت کی نمائندگی کرتا ہے۔
جبکہ دوسرا حیوان — امریکہ کی ابتدائی آزادی اور بعد کی ،مخالف مسیح تابعداری کو ظاہر کرتا ہے۔
بھائی برینہم، جو خدا کے آخری زمانہ کے نبی اور پیامبر ہیں، انہوں نے ان دونوں حیوانوں کی گہری تشریح کی اور بتایا کہ یہ کیسے مل کر ایک جھوٹا مذہبی نظام تشکیل دیتے ہیں، جو زمین کے سب لوگوں کو مخالف مسیح کی پرستش کی طرف لے جاتا ہے۔
یہ مضمون ان دونوں حیوانوں کی تفصیلی علامات، ان کے تاریخی پس منظر، نبوتی حیثیت، اور آج کی دنیا میں ان کے کردار کو بھائی برینہم کے پیغام کی روشنی میں واضح کرے گا — تاکہ سچے ایماندار اس فریب سے آگاہ ہوں جو "شبیہ" اور "نشان" کی صورت میں سامنے آ رہا ہے۔

بائبل میں حیوان کا مطلب (علامتی تعبیر)

حیوان ۔۔سلطنت، سیاسی یا مذہبی طاقت کی نمائندگی کرتا ہے
بائبل میں حیوان محض جانور نہیں، بلکہ ایک علامتی لفظ ہے۔اوریہ عام طور پر کسی ایسی سلطنت یا حکومت کو ظاہر کرتا ہے جو خدا کے منصوبہ کے خلاف ہو۔یہ تصور خاص طور پر دانی ایل نبی اور یوحنا رسول کی کتاب مکاشفہ میں واضح ہے۔ دانی ایل نبی کی پیشگوئیاں 7باب
چار بڑے حیوان سمندر سے نکلے، ہر ایک دوسرے سے مختلف تھا۔ دانی ایل 7:3

ان چار حیوانوں کی تشریح
پہلا حیوان شیر اسکی علامت غرور، برتری ہےاور یہ بابل کی سلطنت تھی۔
دوسرا حیوان ریچھ (تین پسلیاں منہ میں) اور اسکی علامتیہ طاقتور، خونخوارہے اور یہ مادی و فارسی سلطنت تھی۔
تیسرا حیوان چیتا (چار پر، چار سر) اور اسکی علامت تیزرفتاری اور فتوحات ہیں اور یہ یونانی سلطنت تھی(سکندر اعظم)۔
اور چوتھا حیوان خوفناک حیوان (دس سینگ، لوہے کے دانت) اوریہ شدید جبر، ظلم کی علامت ہے اور یہ رومی سلطنت ہے۔
بھائی برینہم نے فرمایا۔یہ چار حیوان مخالف مسیح کی مکمل تصویر بناتے ہیں، جو آخری زمانے میں ظاہر ہوتا ہے۔

سمندر اور خشکی سے نکلنے والے دو حیوان

مکاشفہ 13
اور مَیں نے ایک حَیوان کو سَمَندَر میں سے نِکلتے ہُوئے دیکھا۔ اُس کے دس سِینگ اور سات سر تھے اور اُس کے سِینگوں پر دس تاج اور اُس کے سروں پر کُفر کے نام لِکھے ہُوئے تھے۔
2 اور جو حَیوان مَیں نے دیکھا اُس کی شکل تیندوے کی سی تھی اور پاؤں رِیچھ کے سے اور مُنہ ببر کا سا اور اُس اژدہا نے اپنی قُدرت اور اپنا تخت اور بڑا اِختیّار اُسے دے دِیا۔
3 اور مَیں نے اُس کے سروں میں سے ایک پر گویا زخمِ کاری لگا ہُؤا دیکھا مگر اُس کا زخمِ کاری اچھّا ہو گیا اور ساری دُنیا تعّجُب کرتی ہُوئی اُس حَیوان کے پِیچھے پِیچھے ہولی۔
4 اور چُونکہ اُس اژدہا نے اپنا اِختیّار اُس حَیوان کو دے دِیا تھا اِس لِئے اُنہوں نے اژدہا کی پرستِش کی اور اُس حَیوان کی بھی یہ کہہ کر پرستِش کی کہ اِس حَیوان کی مانِند کَون ہے؟ کَون اُس سے لڑ سکتا ہے؟
5 اور بڑے بول بولنے اور کُفر بکنے کے لِئے اُسے ایک مُنہ دِیا گیا اور اُسے بیالِیس مہِینے تک کام کرنے کا اِختیّار دِیا گیا۔
6 اور اُس نے خُدا کی نِسبت کُفر بکنے کے لِئے مُنہ کھولا کہ اُس کے نام اور اُس کے خَیمہ یعنی آسمان کے رہنے والوں کی نِسبت کُفر بکے۔ 7 اور اُسے یہ اِختیّار دِیا گیا کہ مُقدّسوں سے لڑے اور اُن پر غالِب آئے اور اُسے ہر قبِیلہ اور اُمّت اور اہلِ زبان اور قَوم پر اِختیّار دِیا گیا۔
8 اور زمِین کے وہ سب رہنے والے جِن کے نام اُس برّہ کی کِتابِ حیات میں لِکھے نہِیں گئے جو بنایِ عالم کے وقت سے ذِبح ہُؤا ہے اُس حَیوان کی پرستِش کریں گے۔
9 جِس کے کان ہوں وہ سُنے۔
10 جِس کو قَید ہونے والی ہے وہ قَید میں پڑے گا۔ جو کوئی تلوار سے قتل کرے گا وہ ضرُور تلوار سے قتل کِیا جائے گا۔ مُقدّسوں کے صبر اور اِیمان کا یِہی مَوقع ہے۔

یہ سمندر سے نکلنے والا حیوان کون ہے؟

یہ حیوان رومن سلطنت ہے جو مذہبی اور سیاسی طاقت کا امتزاج ہے۔یہ حیوان محض ایک جانور نہیں بلکہ روم سیاسی، اور کیھتولک چرچ مذہبی،مخالف مسیح کا نظام ہے۔بھائی برینہم نے کہا کہ یہ وہی طاقت ہے جس نے پہلے ایمانداروں پر ظلم کیا اور آخر الزمان میں دوبارہ زور پکڑے گی۔

🔹 سمندر کاکیا مطلب ہے۔
بھائی برینہم نے مکاشفہ 17:15 کا حوالہ دے کر سمجھایا،سمندر اقوام، لوگوں، اور قوموں کا مجموعہ ہے۔
یعنی یہ حیوان ایک ایسے علاقے سے نکلتا ہے جہاں بہت ساری قومیں اور آبادیاں ہوں — اور یہ علاقہ یورپ ہے، خاص طور پر روم۔

دس سینگ کا کیا مطلب ہے؟

دس سینگ
مکاشفہ 13:1 — اور اس کے دس سینگ تھے...

❗ دس سینگ کی علامت سینگ ہمیشہ طاقت یا حکومت کی علامت ہوتے ہیں (دانی ایل 7:24 بھی دیکھیں)۔
دس سینگ = دس بادشاہتیں یا ریاستیں جو آخری زمانے میں روم کے حیوانی نظام کی حمایت کریں گی۔
📜 مکاشفہ 17:12 میں واضح لکھا ہے۔
اور وہ دس سِینگ جو تُو نے دیکھے دس بادشاہ ہیں۔ ابھی تک اُنہوں نے بادشاہی نہِیں پائی مگر اُس حَیوان کے ساتھ گھڑی بھر کے واسطے بادشاہوں کا سا اِختیّار پائیں گے۔ے۔

یورپ کی دس اقوام (ممکنہ طور پر جدید یورپی یونین یا اس کے اتحادی) رومن کیھتولک چرچ کے نیچے آ کر سیاسی اور مذہبی اتحاد قائم کریں گی۔یہ اقوام اپنی آزادی ترک کر کے حیوان (مخالف مسیح کی حکومت) کی اطاعت کریں گی۔

🔥 مقصد مخالف مسیح کی حکومت کو طاقت دینا،سچے ایمانداروں پر ظلم کرنا۔اوردنیا کو جھوٹے مذہبی نظام کے تحت لانا۔

دس سینگوں والی یورپی اقوام کی ممکنہ فہرست "دس سینگ" مکاشفہ 13 اور دانی ایل 7 میں ظاہر کیے گئے ہیں۔ بھائی برینہم اور کئی دوسرے پیغاماتی معلمین کے مطابق یہ یورپ کی وہ ریاستیں ہیں جو رومی سلطنت کے ٹوٹنے کے بعد ابھریں، اور آخری زمانے میں مخالف مسیح کی حکومت کا ساتھ دیں گی۔
1 Ostrogoths (ختم ہو گئے)
2 Visigoths اسپین
3 Franks فرانس
4 Vandals (ختم ہو گئے)
5 Suevi پرتگال
6 Anglo-Saxons انگلینڈ
7 Lombards اٹلی
8 Burgundians سوئٹزرلینڈ
9 Heruli (ختم ہو گئے)
10 Alemanni جرمنی
🔵 نوٹ تین قومیں
(Ostrogoths, Vandals, Heruli) کلیسیائی روم کے حکم سے مٹا دی گئیں
باقی سات قومیں ترقی پا کر آج کے اہم یورپی ممالک بن گئیں۔
✅ آخری وقت میں یہ یورپی اقوام دوبارہ متحد ہو کر "دس سینگ" کی صورت میں دجال کی حمایت کریں گی۔

سات سر اسکا کیا مطلب ہے؟

مکاشفہ 13:1 — "اور سات سر تھے... سات سروں کی علامت

مکاشفہ 17:9 خود وضاحت کرتا ہے
یہ سات سر سات پہاڑ ہیں جن پر وہ عورت بیٹھی ہے۔
پہلی تشریح
سات سر = روم کے سات پہاڑ
روم شہر کو سیون ہل سٹی بھی کہا جاتا ہے۔یہ ظاہر کرتا ہے کہ مخالف مسیح کےنظام روم میں مرکزیت رکھتا ہے۔
پہاڑ یہاں علامتی بھی ہے اور جغرافیائی حقیقت بھی۔

یہ سات پہاڑ ہیں
1 Palatine Hill پیلیٹائن ہل
2 Capitoline Hill کیپٹولین ہل
3 Aventine Hill ایونٹائن ہل
4 Caelian Hill کیلین ہل
5 Esquiline Hill ایسکولین ہل
6 Viminal Hill ویمنل ہل
7 Quirinal Hill قیرینل ہل
👉 لہٰذا، "سات پہاڑ" اشارہ ہے کہ عورت (باطل کلیسیا) روم شہر پر بیٹھتی ہے۔

بائبل میں اکثر "پہاڑ" کسی بڑی حکومت، سلطنت یا طاقت کی علامت ہوتا ہے (دانی ایل 2:35 میں بھی ایک بڑا پہاڑ سلطنت کی علامت ہے)۔

دوسری گہری تشریح: سات سر = رومی سلطنت کے سات ادوار یا سات بادشاہ یعنی روم کی سیاسی طاقت سات ادوار سے گزری ہے۔ہر سرروم کے ایک اہم حکومتی دور (مثلاً قیصر، قسطنطین، وغیرہ) کی نمائندگی کرتا ہے۔
یہ سات سر روم کی حکومتی طاقت کی علامت ہیں، جو مذہبی شکل میں جاری رہتی ہے، یہاں تک کہ آخری وقت میں مخالف مسیح کی قوت کے طور پر مکمل ظاہر ہوتی ہے۔

مکاشفہ 17باب9-10 میں لکھا ہے
یہ سات سر سات پہاڑ ہیں... اور سات بادشاہ بھی ہیں۔ پانچ گر گئے، ایک موجود ہے، اور ایک ابھی آنا باقی ہے۔
📌 مطلب
یہ سات سر صرف پہاڑ نہیں، بلکہ روم کی سات اہم حکومتیں یا حکومتی شکلیں بھی ظاہر کرتے ہیں۔ہر سر روم کے ایک طاقتور دور یا حکومت کی نمائندگی کرتا ہے۔
🏛️ روم کے سات اہم حکومتی ادوار
1 (Kings) بادشاہت ابتدائی روم میں سات بادشاہوں کا دور تھا۔
2 (Republic)جمہوریت عوامی حکومت؛ سینیٹ اور عوام کے نمائندے منتخب ہوتے تھے۔
3 (Triumvirate)تین حکمرانوں کی حکومت تین اشخاص (جیسے جولیس قیصر، پومپے) کی مشترکہ حکومت۔
4 (Imperial Rome) شہنشاہیت جولیس قیصر اور آگسٹس سے رومن شہنشاہوں کا آغاز ہوا۔
5 (Military Rule) فوجی حکومت رومی فوج کے جنرلز (مثلًا ویسپاسین) حکومت کرنے لگے۔
6 پاپائیت (Papal Rome) مذہبی اقتدار: پاپائیت نے روم کی سیاسی قوت پر قبضہ کیا۔ 7 (Antichrist Rule مخالف مسیح کی حکومت) آخری زمانے میں کلیسیائی
(One World Order) سیاسی مخالف مسیح نظام
🧠 اہم بات
جب مکاشفہ لکھا جا رہا تھا (یوحنا کے وقت)، روم کا چھٹا دور"چل رہا تھا
(Imperial Rome) یعنی قیصر کی شہنشاہی ۔پانچ حکومتیں (بادشاہت، جمہوریت، وغیرہ) ختم ہو چکی تھیں۔اورایک اور حکومت ( مخالف مسیح عالمی حکومت) ابھی آنا باقی ہے۔
بھائی برینہم نے کہا
رومی سلطنت کا آخری ظہور پاپائیت میں ہوگا — اور یہی مخالف مسیح کی حکومت بن کر دنیا پر حکومت کرے گی۔

یہ عورت کون ہے جو ان پہاڑوں پر بیٹھی ہے؟

مکاشفہ 17:9 خود وضاحت کرتا ہے
یہ سات سر سات پہاڑ ہیں جن پر وہ عورت بیٹھی ہے۔

بائبل میں عورت کا علامتی مطلب
بائبل میں عورت ہمیشہ ایک مذہبی نظام یا کلیسیا کی علامت رہی ہے — چاہے وہ
سچی دلہن ہو (= مسیح کی حقیقی کلیسیا)، یا
باطل عورت ہو (= جھوٹی، مخالف مسیح مذہبی طاقت)۔
✨ حوالاجات
افسیوں 5باب23-27 کلیسیا کو "مسیح کی دلہن" کہا گیا ہے۔
مکاشفہ 12:1 ایک پاکیزہ عورت (سچی کلیسیا) دکھائی گئی ہے۔
مکاشفہ 17باب1-5 ایک حرام کار عورت (باطل کلیسیا) دکھائی گئی ہے۔
🛐 مکاشفہ 17 کی عورت – کون ہے؟
اور اُن ساتوں فرِشتوں میں سے جِن کے پاس سات پیالے تھے ایک نے آ کر مُجھ سے کہا کہ اِدھر آ۔ مَیں تُجھے اُس بڑی کسبی کی سزا دِکھاؤں جو بہُت سے پانِیوں پر بَیٹھی ہُوئی ہے۔ (مکاشفہ 17:1)
علامت
یہ عورت باطل کلیسیا ہے۔اوریہ ایک مخالف مسیح مذہبی نظام ہے جوجھوٹا کلام سکھاتا ہے،سیاسی طاقت سے جڑا ہوا ہے،بادشاہوں پر حکومت کرتا ہے اورمقدسوں کو ستاتا ہے یہ عورت روم کی وہ کلیسیا ہے جو خود کو مذہبی ظاہر کرتی ہے مگر اندر سے شیطان کے ساتھ ملی ہوئی ہے۔
🧠 عورت کیوں کہا گیا؟
یہ مذہبی شناخت ہے
کیونکہ ایک کلیسیا (چاہے سچی یا جھوٹی) ایک روحانی "عورت" کی مانند ہے۔وہ یا تو مسیح سے وفادار ہوتی ہے (پاک دلہن)، یا بدکاری کرتی ہے (باطل عورت)۔

یہ روحانی بدکاری ہے
یہ عورت خدا سے بے وفائی کر کے دنیاوی حکومتوں اور بت پرستی سے مل گئی۔اس لیے اسے "حرامکار عورت" کہا گیا ہے۔

یہ دنیا پر حکومت کرتی ہے
"وہ عورت زمین کے بادشاہوں پر حکومت کرتی ہے۔" (مکاشفہ 17:18)
وہ "حیوان" (سیاسی طاقت) پر بیٹھی ہے = مذہبی نظام جو سیاسی طاقت پر حکومت کرتا ہے۔
🔥 بھائی برینہم کا انتباہ
یہ عورت، جو خود کو 'مسیح کی نمائندہ' کہتی ہے، اصل میں مخالف مسیح کا تخت بناتی ہے — اور آخر میں خدا کے غضب کا شکار ہوگی۔

✨ خلاصہ
عورت = مذہبی نظام
سچی عورت = مسیح کی دلہن کلیسیا
باطل عورت = مخالف مسیح جھوٹی کلیسیا (روم کی باطل تنظیم)

دس تاج کا کیا مطلب ہے؟

📖 مکاشفہ 13:1
...اور اُس کے سینگوں پر دس تاج تھے...

تاج کا مطلب ہے= بادشاہی اور اختیار یعنی یہ دس سینگ محض طاقت کی علامت نہیں، بلکہ حقیقی بادشاہتوں یا ریاستی حکمرانوں کو ظاہر کرتے ہیں۔
ہر سینگ ایک خودمختار بادشاہ یا قوم کی نمائندگی کرتا ہے۔یہ بادشاہ ٘مخالف مسیح حیوان کے ساتھ اتحاد کریں گے۔اوراپنے تاج (اختیار) حیوان کے اختیار کے تحت دیں گے۔

📖 مکاشفہ 17:12 – براہ راست تشریح
اور وہ دس سِینگ جو تُو نے دیکھے دس بادشاہ ہیں۔ ابھی تک اُنہوں نے بادشاہی نہِیں پائی مگر اُس حَیوان کے ساتھ گھڑی بھر کے واسطے بادشاہوں کا سا اِختیّار پائیں گے۔۔
تفصیل
ابھی سلطنت نہیں پائی= یہ بادشاہ یا اقوام تب ابھریں گی جب آخری مخالف مسیح حکومت قائم ہوگی۔
ایک گھڑی کے لیے= ایک مختصر وقت — آخری زمانے کی تیزی سے بدلتی سیاسی صورتحال۔
حیوان کے ساتھ بادشاہی اختیار= یہ سب حیوان (مخالف مسیح نظام) کی خدمت میں اپنی طاقت دیں گے۔

✅ بھائی برینہم نے اس کی وضاحت یوں کی کہ یہ دس بادشاہ، اپنے سیاسی اور فوجی اختیار کو مخالف مسیح کے سپرد کر دیں گے تاکہ دنیا پر ایک مذہبی اور سیاسی عالمی حکومت قائم کی جا سکے۔
یہ دس بادشاہ یورپی اقوام ہوں گی ،ممکنہ طور پر جدید یورپی اتحاد/یورپی یونین سے جڑے ہوئےہیں۔وہ اپنی خودمختاری قربان کریں گے تاکہ عالمی حکومت بن سکے۔اوریہ حکومت مخالف مسیح (روم سے نکلنے والے حیوان) کے تابع ہوگی۔یہ عمل ورلڈ کونسل آف چرچز اور عالمی سیاسی اتحاد کے ذریعے انجام پائے گا۔جب یہ بادشاہ اپنے تاج حیوان کو دے دیں گے، تب ظلم کا وہ دور شروع ہوگا جس سے صرف وہی بچے گا جس کا نام برّہ کی کتابِ حیات میں لکھا ہے۔

یہ کفر کے نام سروں پر۔ ان سے کیا مراد ہے؟

مکاشفہ 13:1
...اور اُس کے سروں پر کفر کے نام لکھے ہوئے تھے۔

کفر کا مطلب (بائبلی نقطہ نظر سے) (Blasphemy) =کفر
اپنے آپ کو خدا کہلوانا،یا خدا کے مقام پر بیٹھنا،یا خدا کی صفات اپنے لیے دعویٰ کرنااور خدا کے کلام کو تبدیل کرنا

🛐 روم کا کلیسیائی نظام اور کفر
بھائی برینہم نے کہا
رومی کلیسیائی نظام کفر میں سب سے آگے ہے کیونکہ اس نے خدا کی جگہ انسانی اختیار کو بٹھایا۔

❗ مثالیں
Vicarius Filii Dei پوپ کا لقب = خدا کے بیٹے کا نائب
پوپ کی حیثیت زمین پر "مسیح کا نمائندہ" سمجھا جاتا ہے
کلیسیائی دعویٰ پوپ کو "معصوم"کہا جاتا ہے — یعنی غلطی سے پاک۔
انکی تعلیم کے مطابق کلیسیا کو کلامِ مقدس سے اوپر رکھا گیا۔
✅ یہ سب دعوے کفر کے دائرے میں آتے ہیں کیونکہ صرف خدا معصوم ہے۔صرف مسیح خدا کا بیٹا ہے، اور اس کی کوئی زمینی جانشینی نہیں۔
📖 2 تھیسلینیکیوں 2باب3-4 کی نبوت
کِسی طرح سے کِسی کے فریب میں نہ آنا کِیُونکہ وہ دِن نہِیں آئے گا جب تک کہ پہلے برگشتگی نہ ہو اور وہ گُناہ کا شَخص یعنی ہلاکت کا فرزند ظاہِر نہ ہو۔
جو مُخالفت کرتا ہے اور ہر ایک سے جو خُدا یا معبُود کہلاتا ہے اپنے آپ کو بڑا ٹھہراتا ہے۔ یہاں تک کہ وہ خُدا کے مَقدِس میں بَیٹھ کر اپنے آپ کو خُدا ظاہِر کرتا ہے۔

📌 بھائی برینہم نے کہا
یہ "انسانِ گناہ" پوپ ہے۔وہ خود کو "خدا" کہلواتا ہے۔اوروہ کلیسیا کے اندر بیٹھ کر حکمرانی کرتا ہے۔وہ جھوٹے معجزے، جھوٹے دعوے اور جھوٹے عقائد کے ذریعہ دنیا کو دھوکہ دیتا ہے۔
✅ بھائی برینہم نے کہا
یہی مخالف مسیح کی روح ہے — کہ کلیسیا میں بیٹھ کر اپنے آپ کو خدا کے برابر ظاہر کرنا۔
🔥 بھائی برینہم کا سخت انتباہ "یہ وہ کفر ہے جو زمین پر آخری بار مخالف مسیح کے طور پر مکمل طور پر ننگا ہوگا ۔اور خدا کی عدالت نازل ہوگی۔
🧠 خلاصہ
کفر۔۔خدا کے مقام پر انسانی اختیار بٹھانا
سروں پر کفر ۔۔رومی حکومتوں میں یہ روح موجود رہی
مخالف مسیح کلیسیا۔۔ پوپ کو خدا کا نائب کہنا اور کلام میں رد و بدل کرنا
نتیجہ۔۔ جھوٹا نظام، مخالف مسیح کی حکومت، خدا کا غضب

اختتامیہ

یقیناً ہم نے اس پہلے حصے میں مکاشفہ 13 کے اس ہولناک منظر کا مشاہدہ کیا جہاں سمندر کی گہرائیوں سے ایک حیوان ابھرتا ہے،وہ اپنے سروں پر کفر کے تاج سجا کر، اپنی سینگوں میں شیطانی طاقت سمیٹ کر،اور اپنے منہ سے وہ باتیں بکتا ہے جو خداوندِ قدوس کے مقابل ہیں۔
ہم نے دیکھا کہ یہ حیوان رومی سلطنت کے بکھرے ہوئے ادوار، یورپی بادشاہتوں، اور کلیسیائی کفر کی زندہ تصویر ہے،جو دنیا کو آخری بار اپنے فریب میں جکڑنے کے لیے ابھر رہا ہے۔
بھائی برینہم کے زبردست اور الہامی پیغام نے ہمیں بتایا کہ یہ حیوان ماضی کی تاریخ نہیں بلکہ حال کا ابھرتا ہوا خطرہ ہے —ایک ایسا خطرہ جو اپنی آخری صورت میں مخالف مسیح کی حکومت، جھوٹی پرستش، اور نجات سے انکار کی صورت میں ظاہر ہوگا۔

🌟 مگر کہانی یہیں ختم نہیں ہوتی...
جہاں ایک حیوان سمندر سے نکلا،وہیں دوسرا حیوان زمین کی خشکی سے سر نکالے گا،معصومیت کی چادر اوڑھے، مگر دل میں اژدہے کی سانسیں چھپائے،تاکہ پہلے حیوان کی عظمت کو بحال کرے اور دنیا کو دجالی نظام کے قدموں میں جھکا دے۔

مسیح میں آپ کا بھائی جاوید جارج
از ہلسنکی فن لینڈ

]]> https://resources.thewordrevealed.net/beasts-from-the-sea-and-the-earth-the-rise-of-the-end-time-powers/feed/ 2